డీజే సౌండ్‌కు మహిళ మృతి

సద్దుల బతుకమ్మ వేడుకల్లో డీజే సౌండ్‌ భరించలేక ఓ మహిళ తీవ్ర అస్వస్థతకు గురై మృతిచెందింది. ఈ ఘటన ఖమ్మం జిల్లా నేలకొండపల్లి మండలం చెరువుమాధారంలో ఆదివారం రాత్రి చోటుచేసుకున్నది.

• సద్దుల బతుకమ్మ వేడుకల్లో విషాదం

కూసుమంచి (నేలకొండపల్లి), అక్టోబర్‌ 19 : సద్దుల బతుకమ్మ వేడుకల్లో డీజే సౌండ్‌ భరించలేక ఓ మహిళ తీవ్ర అస్వస్థతకు గురై మృతిచెందింది. ఈ ఘటన ఖమ్మం జిల్లా నేలకొండపల్లి మండలం చెరువుమాధారంలో ఆదివారం రాత్రి చోటుచేసుకున్నది. అప్పలనర్సింహాపురం గ్రామానికి చెందిన ఎలగాల భారతి (55) సద్దుల బతుకమ్మ కోసం చెరువుమాధారంలోని పుట్టింటికి వచ్చింది.

వేడుకల సందర్భంగా గ్రా మంలో నాలుగు డీజేలను ఒకేచోట పెట్టడంతో ఆ ప్రాంతమంతా శబ్దాలతో దద్దరిల్లిపోయింది. భారతి ఆ శబ్దాల ధాటికి ఒక్కసారిగా కుప్పకూలిపోయింది. వెంటనే ఆమెను నేలకొండపల్లి ప్రభుత్వ దవాఖానకు తీసుకెళ్లగా.. పరీక్షించిన వైద్యులు అప్పటికే మృతిచెందినట్టు నిర్ధారించారు.