సర్కార్‌ నిర్లక్ష్యంతోనే కరువు

ఇది ప్రకృతి తెచ్చిన కరువు కాదని, కాంగ్రెస్‌ ప్రభుత్వం అసమర్థత కారణంగానే వచ్చిన కరువు అని అందోల్‌ మాజీ ఎమ్మెల్యే క్రాంతికిరణ్‌ ఆరోపించారు.

ఇది ప్రకృతి తెచ్చిన కరువు కాదని, కాంగ్రెస్‌ ప్రభుత్వం అసమర్థత కారణంగానే వచ్చిన కరువు అని అందోల్‌ మాజీ ఎమ్మెల్యే క్రాంతికిరణ్‌ ఆరోపించారు. మెదక్‌ జిల్లా టేక్మాల్‌ మండలంలోని కుసంగి, ధనూర, కోరంపల్లి, పల్వంచ గ్రామాల్లో ఎండిపోయిన పంటలను గురువారం ఆయన రైతులతో కలిసి పరిశీలించారు.

ఈ సందర్భంగా క్రాంతికిరణ్‌ మాట్లాడుతూ.. రైతులకు సాగునీరు, నాణ్యమైన విద్యుత్తు సరఫరాలో ప్రభుత్వం పూర్తిగా విఫలమైందని అన్నారు. అందోల్‌ నియోజకవర్గాన్ని కరువు ప్రాంతంగా ప్రకటించి రైతులను ఆదుకోవాలని డిమాండ్‌ చేశారు.

– మెదక్‌