Kaloji Health University | బీడీఎస్ ప్రవేశాలకు నోటిఫికేష‌న్ జారీ

కాళోజీ హెల్త్ యూనివర్సిటీ, వరంగల్ : రాష్ట్రంలోని బీడీఎస్ కన్వీనర్ కోటా సీట్లకు వెబ్ కౌన్సిలింగ్ నిర్వహించనున్నారు. ఈ మేరకు కాళోజీ నారాయ‌ణ‌రావు ఆరోగ్య విశ్వవిద్యాలయం నేడు మాప్ అప్ నోటిఫికేషన్‌ను విడుద‌ల చేసింది. రాష్ట్రవ్యాప్తంగా దంత కళాశాలల్లో బీడీఎస్ కన్వీనర్ కోటా సీట్లకు ఇప్పటికే రెండు విడతల కౌన్సిలింగ్ పూర్తి అయింది. కన్వీనర్ కోటలో ఇంకా మిగిలిపోయిన ఖాళీలను ఈ మాప్ అప్ రౌండ్ కౌన్సిలింగ్ ద్వారా భర్తీ చేయనున్నారు.

అర్హులైన అభ్యర్థులు ఈ నెల 5 న మధ్యాహ్నం 3 గంట‌ల వ‌ర‌కు వెబ్ ఆప్షన్లు నమోదు చేసుకోవచ్చు. గత విడత కౌన్సిలింగ్‌లో సీట్ అలాట్ అయి జాయిన్ కాకపోయినా, చేరి డిస్ కంటిన్యూ చేసినా అదే విధంగా అల్ ఇండియా కోటాలో ఇప్పటికే సీటు పొందిన అభ్యర్థులు ఈ కౌన్సిలింగ్ కు అనర్హులు. ఇత‌ర వివ‌రాల‌కు www.knruhs.telangana.gov .in వెబ్ సైట్లో సంప్రదించాలని యూనివ‌ర్శిటీ వ‌ర్గాలు సూచించాయి.