ఎఫ్‌ఐఆర్‌ కొట్టేయండి

లైంగిక వేధింపుల ఆరోపణలు ఎదుర్కొంటున్న ట్రైనీ ఐపీఎస్‌ ఉదయ్‌కృష్ణారెడ్డి.. తనపై నమోదైన ఎఫ్‌ఐఆర్‌ను కొట్టేయాలని కోరుతూ హైకోర్టును ఆశ్రయించారు.

• హైకోర్టుకు ట్రైనీ ఐపీఎస్‌ వినతి

హైదరాబాద్‌, జూలై 21 (నమస్తే తెలంగాణ): లైంగిక వేధింపుల ఆరోపణలు ఎదుర్కొంటున్న ట్రైనీ ఐపీఎస్‌ ఉదయ్‌కృష్ణారెడ్డి.. తనపై నమోదైన ఎఫ్‌ఐఆర్‌ను కొట్టేయాలని కోరుతూ హైకోర్టును ఆశ్రయించారు. తోటి ట్రైనీ ఐపీఎస్‌ మహిళ ఈ నెల 18న తప్పుడు ఆరోపణలతో చేసిన ఫిర్యాదు మేరకు తనపై ఎఫ్‌ఐఆర్‌ నమోదైందని తెలిపారు.

ముస్సోరిలో శిక్షణ పొందుతున్న సమయం నుంచి ఫిర్యాదుదారుతో తాను ప్రేమలో ఉన్నానని, పెండ్లి చేసుకోవాలని అనుకున్నామని పేర్కొన్నారు. తనకు మరో మహిళతో సం బంధం ఉందన్న అనుమానంతో ఫి ర్యాదుదారు మరో ఐఏఎస్‌ అధికారిని పెండ్లి చేసుకుందని తెలిపారు. ఆ తరువాత తనకు ఎలాంటి సంబంధాలు లేవని తెలిసి తిరిగి అనుబంధాన్ని కొనసాగించాలని కోరుతూ వచ్చిందని వివరించారు. పిటిషన్‌పై హైకోర్టు బుధవారం విచారణ చేపట్టనున్నది.