ఏఈఈ పరీక్షలు వాయిదా వేయలేం హైకోర్టు స్పష్టీకరణ

నవంబర్‌ 6, 7 తేదీల్లో టీజీపీఎస్సీ నిర్వహించనున్న ఏఈఈ (సివిల్‌) పరీక్షలను ప్రస్తుత తరుణంలో వాయిదా వేయలేమని హైకోర్టు తేల్చిచెప్పింది.

హైదరాబాద్‌, అక్టోబర్‌ 30 (నమస్తే తెలంగాణ): నవంబర్‌ 6, 7 తేదీల్లో టీజీపీఎస్సీ నిర్వహించనున్న ఏఈఈ (సివిల్‌) పరీక్షలను ప్రస్తుత తరుణంలో వాయిదా వేయలేమని హైకోర్టు తేల్చిచెప్పింది. అయితే, ఆ పరీక్షల నిర్వహణ వల్ల ఇబ్బందిపడే అభ్యర్థులు శుక్రవారం సాయంత్రంలోగా టీజీపీఎస్సీకి వినతి పత్రాలు సమర్పించాలని సూచించింది.

ఆ వినతులను పరిశీలించాలని టీజీపీఎస్సీని ఆదేశించింది. నవంబర్‌ 2 నుంచి 6 వరకు ఎస్‌ఎస్‌సీ జేఈ పరీక్షలు జరుగనున్నందున ఏఈఈ పరీక్షను వాయిదా వేసేలా ఆదేశాలు జారీచేయాలని కోరుతూ యూ సతీశ్‌, మరో ఆరుగురు హైకోర్టులో పిటిషన్‌ దాఖలు చేయడంతో జస్టిస్‌ కే శరత్‌ ఈ ఆదేశాలు జారీచేశారు.