Heavy Rain | హైదరాబాద్‌లో భారీ వర్షం, జలమయమైన రోడ్లు.. ట్రాఫిక్‌కు తీవ్ర అంతరాయం

Heavy Rain | దాదాపు నెలరోజుల పాటు వర్షాలు లేక ఉక్కపోతతో ఆగమైన హైదరాబాద్‌ నగర ప్రజలకు ఉపశమనం కలిగించేలా శుక్రవారం భారీ వర్షం కురిసింది.

హైదరాబాద్‌ : దాదాపు నెలరోజుల పాటు వర్షాలు లేక ఉక్కపోతతో ఆగమైన హైదరాబాద్‌ ( Hyderabad ) నగర ప్రజలకు ఉపశమనం కలిగించేలా శుక్రవారం భారీ వర్షం ( Heavy Rain ) కురిసింది. ఒక్కసారిగా వాతావరణం మేఘావృతమై ఉరుములు, మెరుపులతో వర్షం కురిసింది. దాదాపు గంటపాటు కురిసిన వర్షంతో రోడ్లు జలమయమై జనజీవనం స్తంభించిపోయింది. దీంతో ట్రాఫిక్‌కు తీవ్ర అంతరాయం ఏర్పడింది.

బంజారాహిల్స్‌, జూబ్లిహిల్స్‌, అమీర్‌పేట్‌, కూకట్‌పల్లి, మూసాపేట, నారాయణగూడ, మోహిదీ పట్నం, ఆసిఫ్‌ నగర్‌, జియాగూడ, అంబర్‌పేట , ఉప్పల్‌, బోడుప్పల్‌, రామంతపూర్‌, తార్నాక, కాచిగూడ, మణికొండ, షేక్‌పేట్‌, టోలిచౌకి, దిల్‌షుక్‌నగర్‌, సరూర్‌నగర్‌, పటాన్‌చెరు, అమీన్‌పూర్‌, బీహెచ్‌ఈఎల్‌లో వర్షం కురిసింది. కోఠి, అబిడ్స్‌, నాంపల్లి, హిమాయత్‌నగర్‌ భారీ వర్షం కురిసింది. మాదాపూర్‌ , హైటెక్‌సిటీ, కేపీహెచ్‌బీ ప్రాంతాల్లో ట్రాఫిక్‌ జామ్‌ అయ్యింది.