పోలీస్‌ అధికారుల సంఘం ఎన్నికలు నిర్వహించండి

తెలంగాణ స్టేట్‌ పోలీస్‌ ఆఫీసర్స్‌ అసోసియేషన్‌ ఎన్నికలను త్వరితగతిన నిర్వహించాలని డీజీపీ సీవీ ఆనంద్‌ అధికారులను ఆదేశించారు. అసోసియేషన్‌ ప్రతినిధులు ప్రజాస్వామ్య పద్ధతిలో ఎన్నిక కావాల్సిన అవసరం ఉన్నదని ఆయన పేరొన్నారు.

• అధికారులకు డీజీపీ సీవీ ఆనంద్‌ ఆదేశం

హైదరాబాద్‌, జూన్‌ 5 (నమస్తే తెలంగాణ) : తెలంగాణ స్టేట్‌ పోలీస్‌ ఆఫీసర్స్‌ అసోసియేషన్‌ ఎన్నికలను త్వరితగతిన నిర్వహించాలని డీజీపీ సీవీ ఆనంద్‌ అధికారులను ఆదేశించారు. అసోసియేషన్‌ ప్రతినిధులు ప్రజాస్వామ్య పద్ధతిలో ఎన్నిక కావాల్సిన అవసరం ఉన్నదని ఆయన పేరొన్నారు. శుక్రవారం ఎన్నికల నిర్వహణపై రాష్ట్ర అధ్యక్షుడు గోపిరెడ్డి నేతృత్వంలోని ప్రతినిధి బృందం డీజీపీని కలిసి వినతిపత్రం అందజేసింది. ఈ మేరకు డీజీపీ సీవీ ఆనంద్‌ మాట్లాడుతూ.. పోలీస్‌ సిబ్బంది సంక్షేమం, సమస్యల పరిషారంలో అసోసియేషన్‌ కీలక పాత్ర పోషించనున్నందున ఎన్నికలు త్వరగా నిర్వహించేందుకు చర్యలు తీసుకోవాలని సూచించారు.

వెయిట్‌ లిఫ్టింగ్‌ విజేతలకు అభినందన
హర్యానాలోని మధుబన్‌లో నిర్వహించిన 3వ ఆలిండియా పోలీస్‌ వెయిట్‌ లిఫ్టింగ్‌ క్లస్టర్‌-2026-27లో జాతీయ స్థాయి పోటీల్లో తెలంగాణ పోలీస్‌ క్రీడాకారులు ప్రతిభ కనబరిచి 3 పతకాలను సాధించారు. మే 23 నుంచి 27 వరకు జరిగిన ఈ పోటీల్లో తెలంగాణ పోలీస్‌ జట్టు ఒక రజత, రెండు కాంస్య పతకాలు కైవసం చేసుకొన్నది. జాతీయ స్థాయిలో అద్భుత ప్రదర్శన కనబరిచి పతకాలు గెలిచినందుకు క్రీడాకారులను డీజీపీ సీవీ ఆనంద్‌ శుక్రవారం అభినందించారు.