ఏదుల నుంచే డిండికి నీళ్లు.. అచ్చంపేట లిఫ్ట్కూ జలాలు
పాలమూరు-రంగారెడ్డి ఎత్తిపోతల పథకంలో భాగమైన ఏదుల రిజర్వాయర్ నుంచే డిండి ప్రాజెక్టుకు నీళ్లను తరలించాలని, ఆ దిశగా చర్యలు చేపట్టాలని సంబంధిత అధికారులను ముఖ్యమంత్రి రేవంత్రెడ్డి ఆదేశించారు. అచ్చంపేట ఎత్తిపోతల పథకాన్ని కూడా అక్కడి నుంచే చేపట్టాలని స్పష్టం చేశారు.
- శ్రీశైలం నుంచి అదనంగా 0.6 టీఎంసీల ఎత్తిపోతలు
- ప్రతిపాదనలు సిద్ధం చేయండి
- సమీక్షలో సీఎం రేవంత్రెడ్డి
- త్వరలో మహారాష్ట్ర సీఎంతో భేటీ.. తమ్మిడిహట్టిపై చర్చలు
హైదరాబాద్, అక్టోబర్ 23 (నమస్తే తెలంగాణ) : పాలమూరు-రంగారెడ్డి ఎత్తిపోతల పథకంలో భాగమైన ఏదుల రిజర్వాయర్ నుంచే డిండి ప్రాజెక్టుకు నీళ్లను తరలించాలని, ఆ దిశగా చర్యలు చేపట్టాలని సంబంధిత అధికారులను ముఖ్యమంత్రి రేవంత్రెడ్డి ఆదేశించారు. అచ్చంపేట ఎత్తిపోతల పథకాన్ని కూడా అక్కడి నుంచే చేపట్టాలని స్పష్టం చేశారు. రెండు లిఫ్ట్లకు కావాల్సిన 0.6 టీఎంసీల జలాలను, అదనంగా శ్రీశైలం, నార్లాపూర్ నుంచి ఎత్తిపోసుకొనేందుకు ప్రణాళికలను సిద్ధం చేయాలని ఈ సందర్భంగా సీఎం స్పష్టం చేశారు. ఎంసీహెచ్ఆర్డీ బోధి పెవిలియన్లో ఇరిగేషన్ శాఖపై ముఖ్యమంత్రి రేవంత్రెడ్డి ప్రత్యేక సమీక్షా సమావేశాన్ని శుక్రవారం నిర్వహించారు.
ఉపముఖ్యమంత్రి భట్టి విక్రమార, నీటిపారుదల శాఖ మంత్రి ఉత్తమ్కుమార్రెడ్డి, మంత్రు లు జూపల్లి కృష్ణారావు, దుద్దిళ్ల శ్రీధర్బాబు, రాజ్యసభ సభ్యుడు వేం నరేందర్రెడ్డి, ఉన్నతాధికారులతో పలు అంశాలపై సమీక్షించారు. తమ్మిడిహట్టి బరాజ్తోపాటు డిండి, అచ్చంపేట ఎత్తిపోతల ప్రాజెక్టులపై పీటముడిగా ఉన్న అంశాలన్నింటిపై చర్చించారు. అనంతరం సీఎం రేవంత్రెడ్డి మాట్లాడుతూ.. తమ్మిడిహట్టి బరాజ్ నిర్మాణంపై మహారాష్ట్ర ప్రభుత్వంతో చర్చలకు సిద్ధంగా ఉండాలని, త్వరలోనే చర్చలకు ఆహ్వానిస్తానని మహారాష్ట్ర సీఎం దేవేంద్ర ఫడ్నవీస్ ఇటీవల తెలిపారని వెల్లడించారు. ఆ చర్చలకు సంబంధించిన వివరాలన్నీ సిద్ధంగా ఉంచుకోవాలని, ఇటీవల ఢిల్లీలో సమావేశం సందర్భంగా సీడబ్ల్యూసీ కోరిన సమాచారాన్ని అందజేయాలని అధికారులను ఆదేశించారు.
ఏదుల నుంచే డిండి, అచ్చంపేట లిఫ్ట్లు
డిండి ప్రాజెక్టుకు నీటిని నార్లాపూర్ నుంచి తీసుకోవాలా? ఏదుల నుంచి తీసుకోవాలా? అనే అంశంలో మహబూబ్నగర్, నల్లగొండ జిల్లాల ప్రతినిధుల మధ్య కొనసాగుతున్న వివాదాలు, అభ్యంతరాలు, విజ్ఞప్తులపై ఈ సమీక్షలో చర్చించారు. ఎక్కడినుంచి తరలిస్తే ఎంత ఖర్చవుతుంది? తదితర వివరాలన్నీ అధికారులు పవర్ పాయింట్ ప్రజెంటేషన్ ద్వారా వివరించారు.
Read Today's Latest Telangana News in Telugu and Telugu News
RELATED ARTICLES
తాజా వార్తలు
Health Tips | ఊబకాయం బాగా ఇబ్బంది పెడుతోందా.. అయితే ఈ టిప్స్ మీ కోసమే..!
Crime News | తల్లిని కత్తితో పొడిచి, భవనంపై నుంచి దూకి.. తొమ్మిదో తరగతి బాలుడి ఆత్మహత్య..!
Tirumala News | శ్రీవారి భక్తులకు గుడ్న్యూస్.. ఫిబ్రవరి నెల కోటా విడుదల
Bodies of SPOs | దారుణం.. శవపేటికలు లేకుండా డంపర్లో పోలీసుల మృతదేహాలు తరలింపు..!
buses carrying pilgrims collide | యాత్రికులతో వెళ్తున్న రెండు బస్సులు ఢీ.. నలుగురు మృతి, 30 మందికి గాయాలు
ట్రెండింగ్ వార్తలు
Newborn dies due to DJ Sound | డీజే శబ్దానికి గుండె ఆగి.. నవజాత శిశువు మృతి
Watch: ప్రెస్మీట్లో ఒక వ్యక్తిని ముద్దుపెట్టుకున్న బీజేపీ ఎమ్మెల్యే.. ఏఐ వీడియో అని ఆయన భార్య ఆరోపణ
Hindu names on Muslim wedding cards | ముస్లింల వెడ్డింగ్ కార్డులపై హిందూ పేర్లు.. నిఖా రద్దు చేయాలని బెదిరింపులు
పెళ్లికొడుకు, పెళ్లికూతురు ఇద్దరూ పురుషులే.. హిమాచల్ ప్రదేశ్లో వింత పండుగ!
Watch: బైకర్పై ఏనుగు దాడి.. అతడ్ని పలుమార్లు తొక్కిన వీడియో వైరల్

