పెద్దవాగులో అక్రమ ఇసుక రవాణాను అడ్డుకోవాలి : ఎమ్మెల్యే చిట్టెం రామ్మోహన్ రెడ్డి

వడ్డవాట్ గ్రామ శివారులోని పెద్దవాగును మాజీ ఎమ్మెల్యే చిట్టెం రామ్మోహన్ రెడ్డి సందర్శించారు.

మహబూబ్‌నగర్‌ : నారాయణపేట జిల్లా మాగనూరు మండలం వడ్డవాట్ గ్రామ శివారులోని పెద్దవాగును మాజీ ఎమ్మెల్యే చిట్టెం రామ్మోహన్ రెడ్డి సందర్శించారు. రెవెన్యూ అధికారులు, పోలీసుల నిర్లక్ష్యం కారణంగా కొద్ది నెలలుగా ఇసుక మాఫియా దర్జాగా అక్రమ ఇసుక రవాణాకు పాల్పడుతోందని, దీంతో రైతులకు, పరిసర గ్రామాల ప్రజలకు సాగునీరు, తాగునీటి సమస్య తీవ్రతరం అవుతుందని ఆవేదన వ్యక్తం చేశారు.

అక్రమ ఇసుక దందాకు అడ్డుకట్ట వేయాలని, లేనిపక్షంలో బీఆర్ఎస్ ఆధ్వర్యంలో ఆందోళన కార్యక్రమాలను ఉధృతం చేస్తామని హెచ్చరించారు. ఆయన వెంట బీఆర్‌ఎస్‌ నాయకులు, కార్యకర్తలు, తదితరులు ఉన్నారు.