MP Vaddiraju Ravichandra | ప్రధాన ఎన్నికల కమిషనర్ తక్షణమే తప్పుకోవాలి : ఎంపీ వద్ది రాజు రవిచంద్ర

MP Vaddiraju Ravichandra | స్వతంత్ర ప్రతిపత్తి గల ఎన్నికల సంఘం ఒక పార్టీకి ఊడిగం చేస్తుందని బీఆర్ఎస్ పార్లమెంటరీ పార్టీ నేత,ఎంపీ వద్ది రాజు రవిచంద్ర ఆరోపించారు.

హైదరాబాద్‌ : స్వతంత్ర ప్రతిపత్తి గల ఎన్నికల సంఘం ఒక పార్టీకి ఊడిగం చేస్తుందని బీఆర్ఎస్ పార్లమెంటరీ పార్టీ నేత,ఎంపీ వద్ది రాజు రవిచంద్ర ( MP Vaddiraju Ravichandra ) ఆరోపించారు. ప్రధాన ఎన్నికల కమిషనర్( Chief Election Commissioner ) తక్షణమే తప్పుకోవాలని డిమాండ్ చేశారు. తెలంగాణ భవన్‌లో ఏర్పాటు చేసిన మీడియా సమావేశంలో ఆయన మాట్లాడారు.

సీఈసీ తీసుకున్న ఏకపక్ష నిర్ణయాలను సహా కమిషనర్లు 14 సార్లు విభేదించారని వెల్లడిం చారు. బీజేపీ వ్యతిరేక ఓట్లను కావాలనే తొలగిస్తున్నారని, రాష్ట్రంలో సర్ పేరిట 95 లక్షల ఓట్లు తొలగించారని పేర్కొన్నారు. బీజేపీకి సీఈసీ అనుబంధంగా మారిపోయిందని విమర్శిం చారు. రోగికి డాక్టరే విషమిచ్చి చంపినట్టు సీఈసీ దేశ పౌరులను ఓట్లకు దూరం చేశారని వివరించారు . జనాభా పెరుగుతుంటే ఓటర్ల సంఖ్య ఎందుకు తగ్గుతుందని ప్రశ్నించారు.

జ్ఞానేశ్వర్ కుమార్ తక్షణమే రాజీనామా చేయాలని, తొలగించిన ఓటర్ల పై స్వతంత్ర విచారణ చేపట్టాలని డిమాండ్‌ చేశారు. స్థానిక అధికారుల పాత్ర పై స్పష్టత ఇవ్వాలని, ఫారం 7 పేరిట చేస్తున్న దరఖాస్తులపై విచారణ చేపట్టాలని కోరారు.