Himanshu | తండ్రి కోసం పాట పాడిన హిమాన్షు.. గర్వంగా ఉందంటూ కేటీఆర్‌ ప్రశంసలు

Himanshu | బీఆర్‌ఎస్‌ అధినేత కేసీఆర్‌ మనుమడు, వర్కింగ్‌ ప్రెసిడెంట్‌ కేటీఆర్‌ కుమారుడు హిమాన్షు వివిధ రంగాల్లో తనకు ఉన్న ప్రతిభను ఇప్పటికే చాటుకున్నాడు. అప్పుడప్పుడు సామాజిక కార్యక్రమాల్లో పాల్గొంటూ అందరి దృష్టిని ఆకర్షిస్తున్న హిమాన్షు.. గత ఏడాది ఓ ఇంగ్లీష్‌ సాంగ్‌ ( గోల్డెన్‌ అవర్‌) ఆలపించి అందర్నీ మెప్పించాడు.

Himanshu | బీఆర్‌ఎస్‌ అధినేత కేసీఆర్‌ మనుమడు, వర్కింగ్‌ ప్రెసిడెంట్‌ కేటీఆర్‌ కుమారుడు హిమాన్షు వివిధ రంగాల్లో తనకు ఉన్న ప్రతిభను ఇప్పటికే చాటుకున్నాడు. అప్పుడప్పుడు సామాజిక కార్యక్రమాల్లో పాల్గొంటూ అందరి దృష్టిని ఆకర్షిస్తున్న హిమాన్షు.. గత ఏడాది ఓ ఇంగ్లీష్‌ సాంగ్‌ ( గోల్డెన్‌ అవర్‌) ఆలపించి అందర్నీ మెప్పించాడు. తాజాగా తన తండ్రి పట్ల తనకు ఉన్న ప్రేమ, అభిమానాలను చాటుతూ హిమాన్షు రావు ఒక పాటను పాడాడు.

నిజానికి కేటీఆర్‌ బర్త్‌ డే కానుకగా జూలైలోనే హిమాన్షు ఓ పాటను పాడాడు. యానిమల్‌ మూవీలోని ‘ ఓ నాన్న నువ్వు నా ప్రాణం’ అనే పాటను రికార్డు చేశాడు. అయితే ఆ పాటను తాజాగా కేటీఆర్‌ ట్విట్టర్‌ (ఎక్స్‌) వేదికగా పంచుకున్నారు. తన బర్త్‌ డే కానుకగా తన కొడుకు హిమాన్షు రావు ఈ పాటను పాడాడని పేర్కొన్నారు. కానీ అది సంతృప్తికరంగా రాలేదని భావించి విడుదల చేయలేదని చెప్పారు. అయితే ఆ పాటను తాను వారం క్రితం మొదటిసారి విన్నానని, హిమాన్షు గానం, పాటలోని సాహిత్యం అద్భుతంగా ఉందని తెలిపారు.

 

The best Gift for me in what has been a difficult year

Thank you Binku @TheHimanshuRaoK ❤️ Loved the vocals

Apparently, my son recorded this for my birthday in July. But shied away from releasing it as he didn’t think it was good enough!!!

I’ve only heard it last week for… pic.twitter.com/NTIBgcxQAa

— KTR (@KTRBRS) December 28, 2024

ఈ కష్టతరమైన సంవత్సరంలో నాకు దక్కిన ఉత్తమ బహుమతి అని కేటీఆర్‌ హిమాన్షు పాడిన పాటను ప్రశంసించారు. తన గాత్రంతో ఉత్తమ బహుమతి అందించిన బింకు(హిమాన్షు)కి ధన్యవాదాలు తెలిపారు. ఓ తండ్రిగా గర్వపడుతున్నానని పేర్కొన్నారు.