Raghunandan Rao | ఆ ఇద్దరి బాగోతం బయటపెడతా.. కాంగ్రెస్‌లో చేరింది అందుకే: రఘునందన్‌రావు

ఆర్థిక ప్రయోజనాల కోసమే మాజీ ఎంపీ జితేందర్‌రెడ్డి, ఎంపీ రంజిత్‌రెడ్డి కాంగ్రెస్‌లో చేరారని బీజేపీ నేత రఘునందన్‌రావు విమర్శించారు. వారి ఆర్థిక ప్రయోజనాల చిట్టా రెండు రోజుల్లో బయడపెడతానని హెచ్చరించారు.

• ఆర్థిక ప్రయోజనాల కోసమే జితేందర్‌రెడ్డి, ఎంపీ రంజిత్‌ రెడ్డి కాంగ్రెస్‌లో చేరిక

Raghunandan Rao | హైదరాబాద్‌, మార్చి 18 (నమస్తే తెలంగాణ): ఆర్థిక ప్రయోజనాల కోసమే మాజీ ఎంపీ జితేందర్‌రెడ్డి, ఎంపీ రంజిత్‌రెడ్డి కాంగ్రెస్‌లో చేరారని బీజేపీ నేత రఘునందన్‌రావు విమర్శించారు. వారి ఆర్థిక ప్రయోజనాల చిట్టా రెండు రోజుల్లో బయడపెడతానని హెచ్చరించారు. సోమవారం ఆయన బీజేపీ రాష్ట్ర కార్యాలయంలో మీడియాతో మాట్లాడుతూ.. షేక్‌పేటలోని సర్వే నెంబర్‌ 343, 403లో అక్రమ నిర్మాణాలపై పూర్తి విచారణ చేపట్టాలని డిమాండ్‌ చేశారు.

రేవంత్‌రెడ్డి అధికారంలోకి వచ్చాక ఆ గుట్టలు, గుడులను మింగినోళ్లనే పార్టీలోకి చేర్చుకున్నారని మండిపడ్డారు. జితేందర్‌రెడ్డికి సిద్ధాంతాల గురించి మాట్లాడే అర్హత లేదని చెప్పారు. కొడుకుకు సీటు ఇవ్వకపోతే సిద్ధాంతాలు లేనట్టా? అని ప్రశ్నించారు. అందితే జుత్తు అందకపోతే కాళ్లు అన్నట్టుగా ప్రధాని మోదీ పట్ల రేవంత్‌ తీరు ఉన్నదని ఎద్దేవా చేశారు.