కమలంలో కుమ్ములాట!.. ఇదే అంశంపై రాష్ట్ర అధ్యక్షుడి ఇంట్లో నేతల భేటీ
రాష్ట్ర బీజేపీలో అంతర్గత కుమ్ములాటలు తారస్థాయికి చేరాయి. సొంతపార్టీ నేతలే ఒకరిపై మరొకరు కయ్యానికి కాలు దువ్వుతుండటం పార్టీ శ్రేణులను కలవరపెడుతున్నది.
- స్టేట్చీఫ్ రామచందర్రావు వర్సెస్ ఎంపీ అర్వింద్
- తనపై ఫిర్యాదులు చేయొద్దని అర్వింద్ వార్నింగ్
- ఇకనైనా కలిసి పనిచేయాలని నేతలకు లక్ష్మణ్ సూచన
హైదరాబాద్, నవంబర్ 29(నమస్తే తెలంగాణ) : రాష్ట్ర బీజేపీలో అంతర్గత కుమ్ములాటలు తారస్థాయికి చేరాయి. సొంతపార్టీ నేతలే ఒకరిపై మరొకరు కయ్యానికి కాలు దువ్వుతుండటం పార్టీ శ్రేణులను కలవరపెడుతున్నది. జూబ్లీహిల్స్ ఉపఎన్నిక సందర్భంగా నిజామాబాద్ ఎంపీ ధర్మపురి అర్వింద్.. బీజేపీ రాష్ట్ర అధ్యక్షుడు రామచందర్రావు పేరు ప్రస్తావించి మరీ.. ‘హలో రామచందర్రావు.. ప్రచారానికి రావడం లేదని తనపై అధిష్ఠానానికి ఫిర్యాదు చేయొద్దు’ అనడం ఆ పార్టీలో తీవ్ర దుమారం రేపింది.
పార్టీ రాష్ట్ర అధ్యక్షుడి పదవికి రామచందర్రావు పేరు ప్రస్తావించిన నాటి నుంచి తీవ్ర అసంతృప్తితో ఉన్న అర్వింద్, నేరుగా ఆయన పేరు ప్రస్తావించి విమర్శించడంపై సొంత పార్టీ నేతలే షాక్కు గురయ్యారు. ఈ వివాదం ముదిరితే పార్టీకి మరింత డ్యామేజీ తప్పదని భావించి గొడవ సద్దుమణిగేందుకు రాజ్యసభ సభ్యుడు లక్ష్మణ్ మధ్యవర్తిత్వం వహించారు. శనివారం రామచందర్రావు ఇంట్లో లంచ్ మీటింగ్ ఏర్పాటుచేయగా, ఇద్దరు నేతల మధ్య వివాదం ప్రధానంగా చర్చకు వచ్చినట్టు తెలిసింది. ఇక నుంచైనా కలిసి పనిచేయాలని, లేకపోతే పార్టీకి మరింత నష్టం వాటిల్లే అవకాశం ఉన్నదని ఇరువురు నేతలకు లక్ష్మణ్ సర్దిచెప్పినట్లు సమాచారం.
బండి వర్సెస్ ఈటల
జూబ్లీహిల్స్ ఉపఎన్నికలో బీజేపీకి కనీసం డిపాజిట్ దక్కకపోవడంతో పార్టీ శ్రేణులు నైరాశ్యంలో ఉండగా, ఇవేమీ తమకు పట్టవన్నట్లుగా కేంద్ర మంత్రి బండి సంజయ్, మల్కాజిగిరి ఎంపీ ఈటల రాజేందర్ ఓటమిపై విరుద్ధ వ్యాఖ్యలు చేయడంతో వివాదం మరింత ముదిరింది. ఒకే జిల్లాకు చెందిన నేతల మధ్య మొదటి నుంచీ ఆధిపత్యపోరు నడుస్తుండగా, స్థానిక సంస్థల ఎన్నికల్లో సైతం ఇరువురు తమ పట్టును నిలుపుకునేలా ఎవరికివారు పావులు కదుపుతున్నట్లు పార్టీ వర్గాల్లో చర్చ జరుగుతున్నది. రాష్ట్ర పార్టీలో ఇద్దరు కీలకనేతల మధ్య టగ్ ఆఫ్ వార్ నడుస్తుంటే, వారిని కూర్చోబెట్టి మాట్లాడే పరిస్థితి లేకపోవడంపై సొంతపార్టీ నేతలే పెదవి విరుస్తున్నారు. ఈ పరిణామాలన్నీ స్థానిక ఎన్నికల్లో ఆ పార్టీపై తీవ్ర ప్రభావం చూపడం ఖాయమని రాజకీయ విశ్లేషకులు చెప్తున్నారు.
Read Today's Latest Telangana News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video
Newborn dies due to DJ Sound | డీజే శబ్దానికి గుండె ఆగి.. నవజాత శిశువు మృతి
Watch: ప్రెస్మీట్లో ఒక వ్యక్తిని ముద్దుపెట్టుకున్న బీజేపీ ఎమ్మెల్యే.. ఏఐ వీడియో అని ఆయన భార్య ఆరోపణ

