భిక్షాటనతో ఆటో డ్రైవర్ల నిరసన

రేవంత్‌రెడ్డి సర్కార్‌ హామీలను అమలు చేయకుండా ఆటో డ్రైవర్లను రోడ్డున పడేసిందని ఇన్‌ఫార్మల్‌ లేబర్‌ వర్కర్స్‌ ఫౌండేషన్‌ రాష్ట్ర అధ్యక్షుడు ఇనాయత్‌అలీ బాక్రీ ఆరోపించారు.

చార్మినార్‌, నవంబర్‌ 14: రేవంత్‌రెడ్డి సర్కార్‌ హామీలను అమలు చేయకుండా ఆటో డ్రైవర్లను రోడ్డున పడేసిందని ఇన్‌ఫార్మల్‌ లేబర్‌ వర్కర్స్‌ ఫౌండేషన్‌ రాష్ట్ర అధ్యక్షుడు ఇనాయత్‌అలీ బాక్రీ ఆరోపించారు. శనివారం ఆయన ఆటోడ్రైవర్లతో కలిసి నగరంలోని మదీనా క్రాస్‌ రోడ్డులో భిక్షాటన చేపట్టారు.

ఈ సందర్భంగా ఇనాయత్‌అలీ మాట్లాడుతూ.. కాంగ్రెస్‌ మ్యానిఫెస్టోలో ఆటో డ్రైవర్ల కుటుంబాలకు రూ.12 వేల చొప్పున ఆర్థిక సహాయం అందిస్తామన్న హామీ ఏమైందని ప్రశ్నించారు. మహిళలకు ఉచిత బస్సు ప్రయాణంతో పల్లెల్లోని ఆటోలను సైతం నగరంలోకి అనుమతించడంతో ఉపాధి కరువై ఇక్కడి ఆటో డ్రైవర్లు ఆర్థిక సమస్యలతో సతమతమవుతున్నారని ఆవేదన వ్యక్తంచేశారు.