ప్రపంచ చేనేత దినోత్సవంగా ఆగస్టు 7ను ప్రకటించాలి

ఆగస్టు 7వ తేదీని ప్రపం చ చేనేత దినోత్సవంగా ప్రకటించాలని అఖిల భారత పద్మశాలి సంఘం చేనేత విభాగం ఐక్యరాజ్య సమితికి విజ్ఞప్తి చేసింది. ఈ మేరకు ఐక్యరాజ్యసమితి ప్రధాన కార్యదర్శికి చేనేత విభాగం అధ్యక్షుడు యర్రమాద వెంకన్న బుధవారం ఓ లేఖ రాశారు.

• పద్మశాలి సంఘం చేనేత విభాగం

హైదరాబాద్‌, అక్టోబర్‌ 4 (నమస్తే తెలంగాణ): ఆగస్టు 7వ తేదీని ప్రపం చ చేనేత దినోత్సవంగా ప్రకటించాలని అఖిల భారత పద్మశాలి సంఘం చేనేత విభాగం ఐక్యరాజ్య సమితికి విజ్ఞప్తి చేసింది. ఈ మేరకు ఐక్యరాజ్యసమితి ప్రధాన కార్యదర్శికి చేనేత విభాగం అధ్యక్షుడు యర్రమాద వెంకన్న బుధవారం ఓ లేఖ రాశారు. 1905 ఆగస్టు 7న స్వదేశీ ఉద్యమం లో భాగంగా ప్రజలు విదేశీ, యాంత్రిక వస్త్రాలను బహిషరించారని, దానిని ప్రేరణగా తీ సుకుని భారత ప్రభుత్వం 2015లో ఆగస్టు 7ను జాతీయ చేనేత దినోత్సవంగా ప్రకటించిందని గుర్తుచేశారు.

ప్రపంచంలో చమురు పరిశ్రమ తర్వాత అత్యధికంగా కాలుష్యాన్ని వెదజల్లుతున్నది టెక్స్‌టైల్‌ పరిశ్రమేనని, మొత్తం కాలుష్యంలో 20 శాతానికి టెక్స్‌టైల్‌ పరిశ్రమే కారణమని పేర్కొన్నారు. దీనికి సరైన ప్రత్యామ్నాయం చేనేత పరిశ్రమేనని తెలిపారు. చేనేత కళాకారులు సహజమైన దారాలను, రంగులనే ఉపయోగిస్తారని, నేత వస్ర్తాల తయారీకి విద్యుత్తు కూడా అవసరం లేకపోవడంతో పర్యావరణానికి హాని జరగదని వివరించారు. ప్రపంచ చేనేత దినోత్సవం అనే భావన అనేక దేశాల్లో విసృ్తతంగా ప్రాచుర్యం పొందిందని, ప్రపంచవ్యాప్తంగా చేనేతను ప్రోత్సహించడం ద్వారా పర్యావరణాన్ని పరిరక్షించుకోవడంతోపాటు ఉపాధి అవకాశాలను కూడా సృష్టించుకోవచ్చని తెలిపారు.