అనాథలుగా వదిలేశారు.. ఆదుకోండి!.. న్యాయ సేవాసంస్థకు వృద్ధ దంపతుల విజ్ఞప్తి

కన్నబిడ్డలు తమను అనాథలుగా వదిలేశారని దేవరకొండ పట్టణానికి చెందిన వృద్ధ దంపతులు కన్నీటి పర్యంతమయ్యారు.

హైదరాబాద్‌ సిటీబ్యూరో, అక్టోబర్‌ 13 (నమస్తే తెలంగాణ): తమకు న్యాయం చేయాలని నల్లగొండ జిల్లా దేవరకొండ మండల న్యాయ సేవా సంస్థ చైర్మన్‌ అనితకు మంగళవారం వినతిపత్రం అందించారు. వృద్ధ దంపతలు చిలుకూరి భాగ్యమ్మ, అనంతరాములు తమ ముగ్గురు కుమారులు, కుమార్తెలు తమను పట్టించుకోవడం లేదని, పోషణ చూడటం లేదని, ఆరోగ్యాన్ని విస్మరించారని ఆవేదన వ్యక్తంచేశారు.

చైర్మన్‌ కే అనిత మాట్లాడుతూ వృద్ధ దంపతులకు తగిన న్యాయం చేస్తామని హామీ ఇచ్చారు. బార్‌ అసోసియేషన్‌ ప్రెసిడెంట్‌ ఎస్‌ ఉమామహేశ్వర్‌, బార్‌ అసోసియేషన్‌ దేవరకొండ ఆధ్వర్యంలో వారికి తక్షణ సహాయంగా ఒక బియ్యం బస్తా ఇచ్చా రు. దేవరకొండ సీఐ వెంకట్‌రెడ్డి, సీనియర్‌ సూపరింటెండెంట్‌ శ్యామ్‌, శంకర్‌ ఉన్నారు.