Visit:
మెట్‌పల్లి, జనవరి 19: మార్టిగేజ్‌ డీడ్‌ రిజిస్ట్రేషన్‌ కోసం లంచం తీసుకుంటూ ఏసీబీ అధికారులకు పట్టుబడిన జగిత్యాల జిల్లా మెట్‌పల్లి సబ్‌ రిజిస్ట్రార్‌ అసిఫొద్దీన్‌ను సస్పెండ్‌ చేస్తూ రిజిస్ట్రేషన్ల శాఖ డీఐజీ ఉత్తర్వులు జారీ చేశారు. అదే కార్యాలయంలోని జూనియర్‌ అసిస్టెంట్‌ బాల్‌సింగ్‌కు సబ్‌ రిజిస్ట్రార్‌గా ఇన్‌చార్జి బాధ్యతలు అప్పగించారు.
ఐడీ లాక్‌ చేయడంతో శుక్రవారం మధ్యాహ్నం నుంచి రిజిస్ట్రేషన్ల ప్రక్రియ నిలిచిపోయింది. ఈ క్రమంలో జూనియర్‌ అసిస్టెంట్‌కు బదులుగా ఆ శాఖ కరీంనగర్‌ డీఐజీ కార్యాలయంలో సీనియర్‌ అసిస్టెంట్‌గా విధులు నిర్వహిస్తున్న విజయ్‌భాస్కర్‌ను ఇన్‌చార్జి సబ్‌ రిజిస్ట్రార్‌గా నియమిస్తూ ఉత్తర్వులు జారీచేశారు.
