Hyderabad devotee | తిరుమలలో పోగొట్టుకున్న 40 గ్రాముల బంగారు కడియాన్ని హైదరాబాద్‌ భక్తురాలికి తిరిగి అప్పగింత

Hyderabad devotee | తిరుమలలో శ్రీవారి దర్శనానికి వచ్చిన హైదరాబాద్‌కు చెందిన భక్తురాలు శ్రీపాద రాజ శృతి పోగొట్టుకున్న బంగారు కడియాన్ని సీసీ టీవీల నిఘా సహాయంతో తిరిగి అప్పగించారు.

తిరుమల : తిరుమలలో శ్రీవారి దర్శనానికి వచ్చిన హైదరాబాద్‌కు చెందిన భక్తురాలు (Hyderabad devotee) శ్రీపాద రాజ శృతి (Sripada Raja Sruthi ) గొట్టుకున్న బంగారు కడియాన్ని ( Gold kadiyam ) సీసీ టీవీల నిఘా సహాయంతో తిరిగి అప్పగించారు. ప్రసాదం పంపిణీ కేంద్రం సమీపంలోని తాగునీటి పాయింట్ వద్ద అనుకోకుండా పోగొట్టుకున్న సుమారు 40 గ్రాముల బంగారు కడియాన్ని శుక్రవారం పోగొట్టుకుంది.

భక్తురాలి చేతి నుంచి కడియం జారిపడిన విషయాన్ని వెనుక ఉన్న కొంతమంది భక్తులు గుర్తించి తీసుకున్నారు. ఈ ఘటనను కమాండ్ కంట్రోల్ సిబ్బంది సీసీటీవీ కెమెరాల ద్వారా గుర్తించి వెంటనే అప్రమత్తమయ్యారు.

టీటీడీ సీవీఎస్వో కె.వి. మురళీకృష్ణ ఆదేశాల మేరకు, విజిలెన్స్ అధికారి (వీజీఓ) సురేంద్ర పర్యవేక్షణలో కమాండ్ కంట్రోల్ ఏవీఎస్వో వెంకటరమణ, సిబ్బంది సీసీటీవీ ఫుటేజ్‌ను పరిశీలించి కడియాన్ని గుర్తించి వాటిని స్వాధీనం చేసుకున్నారు.

అసలు యజమానురాలైన భక్తురాలికి అప్పగించినట్లు ఏవీఎస్వో వెంకటరమణ తెలిపారు.తన విలువైన బంగారు కడియం తిరిగి లభించడంతో భక్తురాలు ఆనందం వ్యక్తం చేస్తూ టీటీడీ విజిలెన్స్ అండ్ సెక్యూరిటీ అధికారులకు, సిబ్బందికి కృతజ్ఞతలు తెలిపారు.