Deeksha Divas | దీక్షా దివస్ సందర్భంగా దక్షిణాఫ్రికాలో 14 రోజుల పాటు ప్రత్యేక కార్యక్రమాలు
Deeksha Divas | మాజీ ముఖ్యమంత్రి కల్వకుంట్ల చంద్రశేఖర్ రావు చేపట్టిన ఆమరణ నిరాహార దీక్షకు గుర్తుగా నిర్వహించే దీక్షా దివస్ సందర్భంగా ప్రత్యేక కార్యక్రమాలను నిర్వహిస్తున్నట్లు దక్షిణాఫ్రికా బీఆర్ఎస్ ఎన్ఆర్ఐ శాఖ నాయకుడు నాగరాజు గుర్రాల తెలిపారు .
జోహన్నెస్బర్గ్, దక్షిణాఫ్రికా: తెలంగాణ రాష్ట్ర సాధన కోసం భారత రాష్ట్ర సమితి (BRS) అధినేత, మాజీ ముఖ్యమంత్రి కల్వకుంట్ల చంద్రశేఖర్ రావు ( KCR ) 2009 నవంబర్ 29న చేపట్టిన ఆమరణ నిరాహార దీక్షకు గుర్తుగా నిర్వహించే దీక్షా దివస్ (Deeksha Divas) సందర్భంగా ప్రత్యేక కార్యక్రమాలను నిర్వహిస్తున్నట్లు దక్షిణాఫ్రికా (South Africa) బీఆర్ఎస్ ఎన్ఆర్ఐ ( BRS NRI ) శాఖ నాయకుడు నాగరాజు గుర్రాల ( Nagaraju Gurrala ) తెలిపారు .
బీఆర్ఎస్ ఎన్ఆర్ఐ నాయకుడు మహేష్ బిగాల ఆదేశాల మేరకు దక్షిణాఫ్రికా శాఖ ఆధ్వర్యంలో 14 రోజుల పాటు ప్రత్యేక కార్యక్రమాలు నిర్వహించనున్నామని వివరించారు. కేసీఆర్ చేపట్టిన ఆమరణ నిరాహార దీక్ష తెలంగాణ ఉద్యమాన్ని కీలక మలుపు తిప్పిందని, తెలంగాణ ప్రజల ఆకాంక్షను జాతీయ స్థాయిలో బలంగా వినిపించిందని తెలిపారు. ఆ దీక్ష స్ఫూర్తితో విద్యార్థులు, యువత, ఉద్యోగులు, మహిళలు, ప్రజాసంఘాలు ఉద్యమంలో భాగస్వాములయ్యారని గుర్తుచేశారు.
దీక్షా దివస్ ప్రాధాన్యతను ప్రపంచవ్యాప్తంగా ఉన్న తెలంగాణ ప్రవాసులకు, ముఖ్యంగా యువతకు, భావితరాలకు తెలియజేయాలనే ఉద్దేశంతో 14 రోజుల పాటు ప్రత్యేక ప్రచార కార్యక్రమాలు చేపడుతున్నట్లు తెలిపారు. ఈ కార్యక్రమాల్లో భాగంగా తెలంగాణ ఉద్యమ చరిత్రపై ప్రత్యేక వీడియో సందేశాలు, కేసీఆర్ దీక్ష, తెలంగాణ రాష్ట్ర సాధనకు సంబంధించిన చారిత్రక ఘట్టాల ప్రచారం, తెలంగాణ ఉద్యమంలో విద్యార్థులు, మహిళలు, ఉద్యోగులు, ప్రజల పాత్రపై అవగాహన కార్యక్రమాలు నిర్వహిస్తామన్నారు.
తెలంగాణ అమరవీరులకు నివాళులు, సోషల్ మీడియా ద్వారా దీక్షా దివస్ ప్రచారం, భావితరాలకు తెలంగాణ ఉద్యమ చరిత్రను పరిచయం చేసే ప్రత్యేక కార్యక్రమాల నిర్వహణకు ఏర్పాట్లు చేస్తున్నామని పేర్కొన్నారు. దక్షిణాఫ్రికాలో నివసిస్తున్న తెలంగాణ ప్రవాసులందరూ ఈ కార్యక్రమాల్లో భాగస్వాములు కావాలని పిలుపునిచ్చారు.దీక్షా దివస్ సందర్భంగా తెలంగాణ ఉద్యమంలో ప్రాణత్యాగం చేసిన అమరవీరులకు, ఉద్యమకారులందరికీ ఘన నివాళులు అర్పిస్తూ, తెలంగాణ ఆత్మగౌరవం చిరస్థాయిగా నిలవాలని ఆకాంక్షించారు.
Read Today's Latest Telangana News in Telugu and Telugu News
RELATED ARTICLES
తాజా వార్తలు
Deeksha Divas | దీక్షా దివస్ సందర్భంగా దక్షిణాఫ్రికాలో 14 రోజుల పాటు ప్రత్యేక కార్యక్రమాలు
‘చేయూత పెన్షన్దారులకు న్యాయం చేయాలి’
MLA sudhir reddy | రేవంత్ తాగునీళ్లు కూడా దొరకవంటే.. ఉత్తమ్ తాగునీటి కొరత లేదంటాడు : ఎమ్మెల్యే సుధీర్ రెడ్డి
సింగరేణి ప్రతి ఉద్యోగి భద్రతకు అత్యంత ప్రాధాన్యం : ఏరియా జీఎం సిహెచ్.వెంకటరమణ
చింతాబాబు మాదిగకు డాక్టర్ బి.ఆర్.అంబేద్కర్ నేషనల్ అవార్డు
ట్రెండింగ్ వార్తలు
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా
Watch: వేగంగా వస్తున్న కారు నుంచి తప్పించుకునేందుకు మహిళ యత్నం.. ఆ తర్వాత ఏం జరిగిందంటే?
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video

