వందేహం గణనాయకమ్‌!

ఏకదంతం మహాకాయం, తప్తకాంచన సన్నిభమ్‌, లంబోదరం విశాలాక్షం, వందేహం గణనాయకమ్‌. మౌంజీ కృష్ణాజినధరం, నాగయజ్ఞోప వీతినమ్‌, బాలేందు శకలం మౌళౌ, వందేహం గణనాయకమ్‌.

ఏకదంతం మహాకాయం, తప్తకాంచన సన్నిభమ్‌,
లంబోదరం విశాలాక్షం, వందేహం గణనాయకమ్‌.

మౌంజీ కృష్ణాజినధరం, నాగయజ్ఞోప వీతినమ్‌,
బాలేందు శకలం మౌళౌ, వందేహం గణనాయకమ్‌.

చిత్రరత్న విచిత్రాంగం, చిత్రమాలా విభూషితమ్‌,
కామరూపధరం దేవం, వందేహం గణనాయకమ్‌.

గజవక్త్రం సురశ్రేష్ఠం, కర్ణచామర భూషితమ్‌,
పాశాంకుశధరం దేవం, వందేహం గణనాయకమ్‌.

మూషికోత్తమమారుహ్య దేవాసుర మహాహవే,
యోద్ధుకామం మహావీర్యం వందేహం గణనాయకమ్‌.

యక్షకిన్నర గంధర్వ, సిద్ధ విద్యాధరైస్సదా,
స్తూయమానం మహాబాహుం వందేహం గణనాయకమ్‌.

అంబికా హృదయానందం, మాతృభిః పరివేష్టితమ్‌,
భక్తప్రియం మదోన్మత్తం, వందేహం గణనాయకమ్‌.

సర్వవిఘ్నహరం, సర్వవిఘ్న వివర్జితమ్‌,
సర్వసిద్ధి ప్రదాతారం, వందేహం గణనాయకమ్‌.

గణాష్టకమిదం పుణ్యం, యః పఠేత్‌ సతతం నరః,
సిద్ధ్యంతి సర్వకార్యాణి విద్యావాన్‌ ధనవాన్‌ భవేత్‌.