Visit:
బ్రిడ్జ్టౌన్ (బార్బడోస్): ప్రపంచ క్రికెట్ చరిత్రలో అత్యుత్తమ ఆల్రౌండర్గా గుర్తింపుపొందిన వెస్టిండీస్ దిగ్గజ సారథి సర్ గ్యారీ సోబర్స్ (89) శుక్రవారం తుదిశ్వాస విడిచారు. 1954 నుంచి 1974 దాకా ఆటలో తనదైన ముద్ర వేసిన సోబర్స్ మృతిని ఆయన కొడుకు డానియెల్తో పాటు వెస్టిండీస్ క్రికెట్ బోర్డు ధృవీకరించింది. రెండు దశాబ్దాల కాలంలో 93 టెస్టులాడిన సోబర్స్.. 57.78 సగటుతో 8,032 పరగులు చేశారు. ఇందులో 26 శతకాలు, 30 హాఫ్ సెంచరీలు ఉన్నాయి. బ్యాటర్గానే గాక ఎడమచేతివాటం మీడియం పేస్, స్పిన్ బౌలింగ్ కూడా చేసే సోబర్స్.. బంతితో 235 వికెట్లు తీశారు.
తన కెరీర్లో ఆయన ఒక్క వన్డే మాత్రమే ఆడారు. 1968లో ఇంగ్లండ్ కౌంటీల్లో నాటింగ్హామ్ తరఫున ఆడుతూ ఆరు బంతుల్లో ఆరు సిక్స్లు కొట్టిన తొలి బ్యాటర్గా రికార్డులకెక్కారు. అదీగాక 1958లో పాకిస్థాన్తో టెస్టు ఆడుతూ అత్యధికంగా 365 రన్స్తో చరిత్ర సృష్టించారు. 1994లో బ్రియాన్ లారా.. 375 రన్స్ చేసేదాకా సోబర్స్ రికార్డు చెక్కు చెదరలేదు. క్రికెట్లో ఆయన చేసిన సేవలకు గాను 1975లో బ్రిటన్ ప్రభుత్వం సోబర్స్కు నైట్హుడ్ (సర్) బిరుదును ప్రదానం చేసింది.
