Christian Roberto | హై హీల్స్‌తో ప‌రుగెత్తి.. 100 మీట‌ర్ల రేసులో గిన్నిస్ రికార్డు సాధించాడు

Christian Roberto : ప‌రుగు పందెంలో ఎవ‌రైనా షూ వేసుకొని ప‌రుగెత్తుతారు. కానీ, మ‌నోడు మాత్రం కాస్త‌ డిఫ‌రెంట్. ఆడ‌వాళ్ల హై హీల్స్(high heels) వేసుకొని పోటీలో పాల్గొన్నాడు. వాటితో వేగంగా న‌డ‌వ‌డ‌మే క‌ష్టం. అలాంటిది అత‌ను మాత్రం చిరుత‌లా ప‌రుగు తీశాడు. హై హీల్స్‌తో పోటీలో గెలిచిన మొద‌టి వ్య‌క్తిగా గిన్నిస్ వ‌ర‌ల్డ్ రికార్డు(Guinness World Records) సృష్టించాడు. అత‌డి పేరు..

Christian Roberto : ప‌రుగు పందెంలో ఎవ‌రైనా షూ వేసుకొని ప‌రుగెత్తుతారు. కానీ, మ‌నోడు మాత్రం కాస్త‌ డిఫ‌రెంట్. ఆడ‌వాళ్ల హై హీల్స్(high heels) వేసుకొని పోటీలో పాల్గొన్నాడు. వాటితో వేగంగా న‌డ‌వ‌డ‌మే క‌ష్టం. అలాంటిది అత‌ను మాత్రం చిరుత‌లా ప‌రుగు తీశాడు. విజేత‌గా నిలిచి అంద‌ర్నీ ఆశ్చ‌ర్యంలో ముంచెత్తాడు. హై హీల్స్‌తో పోటీలో గెలిచిన మొద‌టి వ్య‌క్తిగా గిన్నిస్ వ‌ర‌ల్డ్ రికార్డు(Guinness World Records) సృష్టించాడు. అత‌డి పేరు.. క్రిస్టియ‌న్ రాబెర్టో లోపెజ్ రోడ్రిగ్(Christian Roberto Lopez Rodriguez).

రికార్డులు బ్రేక్ చేయ‌డ‌మంటే ఇత‌డికి మ‌హా స‌ర‌దా. ఇప్ప‌టికే అత‌డి పేరు మీద 12 రికార్డులు ఉన్నాయి. కొత్త రికార్డుపై క‌న్నేసిన అత‌ను ఈసారి వెరైటీగా ఆలోచించాడు. హై హీల్స్‌తో ప‌రుగెత్తి వేగంగా 100 మీట‌ర్ల ప‌రుగు పూర్తి చేశాడు. క్రిస్టియ‌న్ 12.82 సెకన్ల‌లోనే గమ్య‌స్థానానికి చేరాడు. ఒలింపిక్ విజేత‌(Olympics Winner) ఉసేన్ బోల్ట్(Usain Bolt) రికార్డుకు 3.24 సెక‌న్ల దూరంలో ఫినిషింగ్ లైన్ దాటాడు. 2019 ఒలింపిక్స్‌లో బోల్ట్ 9.85 సెక‌న్ల‌లోనే వంద మీట‌ర్ల ప‌రుగెత్తి రికార్డులు బ‌ద్ధ‌లు కొట్టాడు.

 

View this post on Instagram

 

A post shared by Guinness World Records (@guinnessworldrecords)

‘రికార్డు కోసం హై హీల్స్‌తో ప‌రుగెత్త‌డం సాధ‌న చేశాను. అయితే.. ప‌రుగు మ‌ధ్య‌లో చాలా అలిసిపోయేవాడిని. వాటితో వేగంగా ప‌రిగెత్తడం స‌వాల్‌గా అనిపించేది. కానీ, స్పెయిన్‌లో ఇలాంటి పోటీలు నిర్వ‌హిస్తారు. దాంతో, నాకు హై హీల్స్‌తో ప‌రుగెత్త‌డం ఏమంత క‌ష్టం అనిపించ‌లేదు’ అని క్రిస్టియాన్ తెలిపాడు. అత‌ను ఈ కొత్త రికార్డు ప్ర‌య‌త్నించ‌డం వెన‌క ఓ కార‌ణం ఉంది. అదేంటంటే.. అత‌డికి టైప్ 1 డ‌యాబెటిస్(Type 1 diabetics) ఉంది. డ‌యాబెటిస్ ఉన్న‌వాళ్లు మిగ‌తా వాళ్ల‌కంటే చాలా ప‌నులు చేయ‌గ‌ల‌ర‌ని చాటి చెప్ప‌డ‌మే త‌న ఉద్దేశ‌మని క్రిస్టియ‌న్ చెప్పాడు. అత‌డి హై హీల్స్ ప‌రుగు చూసిన‌వాళ్లంతా ‘వారెవ్వా.. నువ్వు సూప‌ర్ బాస్’ అంటూ క్రిస్టియ‌న్‌ను పొగిడేస్తున్నారు.