పోరాడుతున్న సఫారీలు

స్వదేశంలో ఆస్ట్రేలియాతో జరుగుతున్న నిర్ణయాత్మక మూడో టెస్టులో సౌతాఫ్రికా పోరాడుతోంది. తొలి ఇన్నింగ్స్‌లో కంగారూలకు వంద పరుగుల ఆధిక్యాన్ని సమర్పించుకున్న బవూమ సేన..

కేప్‌టౌన్‌ : స్వదేశంలో ఆస్ట్రేలియాతో జరుగుతున్న నిర్ణయాత్మక మూడో టెస్టులో సౌతాఫ్రికా పోరాడుతోంది. తొలి ఇన్నింగ్స్‌లో కంగారూలకు వంద పరుగుల ఆధిక్యాన్ని సమర్పించుకున్న బవూమ సేన.. రెండో ఇన్నింగ్స్‌లో బ్యాటింగ్‌కు వచ్చి మూడో రోజు ఆట ముగిసే సమయానికి 4 వికెట్ల నష్టానికి 140 రన్స్‌ చేసింది.

ప్రస్తుతం ఆ జట్టు ఆధిక్యం 40గా ఉంది. 31 పరుగులకే రెండు కీలక వికెట్లు కోల్పోయిన ఆ జట్టును అకెర్‌మన్‌ (62), కెప్టెన్‌ టెంబా బవూమ (35) ఆదుకున్నారు. అయితే ఆట చివర్లో లియాన్‌.. బవూమను బౌల్డ్‌ చేసి సఫారీలను దెబ్బకొట్టాడు. బ్రీట్జ్‌కే (19 బ్యాటింగ్‌)తో పాటు రికెల్టన్‌ (8 బ్యాటింగ్‌) క్రీజులో ఉన్నారు.