దుబాయ్: పటిష్టమైన న్యూజిల్యాండ్తో మ్యాచ్లో స్కాట్లాండ్ బ్యాట్స్మెన్ పోరాడుతున్నారు. 173 పరుగుల లక్ష్య ఛేదనలో బరిలోకి దిగిన స్కాట్లాండ్ను బౌల్ట్ ఆదిలోనే దెబ్బకొట్టాడు. నాలుగు ఫోర్లు కొట్టి ఊపుమీద కనిపించిన కెప్టెన్ కైల్ కోయెట్జర్ (17)ను మూడో ఓవర్లోనే పెవిలియన్ చేర్చాడు.
అయితే ఆ తర్వాత వికెట్ పడకుండా జాగ్రత్త పడిన స్కాట్లాండ్ జట్టు అద్భుతంగా ఆడింది. జార్జ్ మున్సే (22)తో కలిసి వికెట్ కీపర్ మాథ్యూ క్రాస్ (24 నాటౌట్) జట్టును ముందుకు నడిపించారు. అయితే సోధి బౌలింగ్లో సౌతీ అందుకున్న అద్భుతమైన క్యాచ్కు మున్సే పెవిలియన్ బాటపట్టాడు.
తొలి పవర్ప్లే చివరి ఓవర్ అయిన 6వ ఓవర్లో వరుసగా ఐదు ఫోర్లు కొట్టిన క్రాస్.. ఇంకా క్రీజులో ఉండటంతో స్కాట్లాండ్ ఆశలు ఇంకా సజీవంగానే ఉన్నాయి. ఈ క్రమంలో 10 ఓవర్లు ముగిసే సరికి స్కాట్లాండ్ జట్టు 76/2తో నిలిచింది.