న్యూఢిల్లీ: ఐసీసీ క్రికెట్ వరల్డ్ కప్-2023లో భాగంగా శనివారం శ్రీలంకతో జరుగుతున్న మ్యాచ్లో దక్షిణాఫ్రికా ఓపెనింగ్ బ్యాటర్ క్వింటన్ డికాక్ అద్భుతమైన సెంచరీ సాధించాడు. కేవలం 84 బంతుల్లో 12 ఫోర్లు, 3 సిక్సర్లతో 100 పరుగులు రాబట్టాడు. ఈ సెంచరీ ద్వారా సౌతాఫ్రికా అలనాటి స్టార్ ఆలరౌండర్ జాక్వెస్ కలిస్ రికార్డును బ్రేక్ చేశాడు. కలిస్ తన కెరీర్లో 17 సెంచరీలు చేయగా, ఇప్పుడు డికాక్ 18వ సెంచరీ చేశాడు.
ఇదిలావుంటే శ్రీలంకతో మ్యాచ్లో దక్షిణాఫ్రికా బ్యాటర్లు ఆకాశమే హద్దుగా చెలరేగిపోతున్నారు. ఏకంగా ముగ్గురు బ్యాటర్లు సెంచరీలు చేశారు. డికాక్ (100) తోపాటుగా రస్సీ వాన్ డెర్ డస్సెన్ (108), ఎయిడెన్ మార్క్రమ్ (106) కూడా సెంచరీలతో కదం తొక్కారు. దాంతో దక్షిణాఫ్రికా జట్టు 400 పరుగుల వైపు దూసుకుపోతున్నది. కాగా, ఉదయం బంగ్లాదేశ్, అఫ్ఘానిస్థాన్ జట్ల మధ్య జరిగిన మరో మ్యాచ్లో బంగ్లాదేశ్ 6 వికెట్ల తేడాతో ఘన విజయం సాధించింది.