రోహిత్‌ రాయుడు సెంచరీ

ఓపెనర్‌ రోహిత్‌ రాయుడు (109) సెంచరీతో చెలరేగడంతో విజయ్‌ హజారే ట్రోఫీలో గుజరాత్‌పై హైదరాబాద్‌ 4 వికెట్ల తేడాతో గెలిచింది.

హైదరాబాద్‌ ఆట ప్రతినిధి: ఓపెనర్‌ రోహిత్‌ రాయుడు (109) సెంచరీతో చెలరేగడంతో విజయ్‌ హజారే ట్రోఫీలో గుజరాత్‌పై హైదరాబాద్‌ 4 వికెట్ల తేడాతో గెలిచింది. ఎలైట్‌ గ్రూప్‌-ఏలో భాగంగా సోమవారం జరిగిన పోరులో మొదట బ్యాటింగ్‌ చేసిన గుజరాత్‌ నిర్ణీత 50 ఓవర్లలో 9 వికెట్ల నష్టానికి 248 రన్స్‌ చేసింది. కథాన్‌ పటేల్‌ (109) శతకం చేశాడు. అనంతరం లక్ష్యఛేదనలో హైదరాబాద్‌ 49 ఓవర్లలో 6 వికెట్లకు 251 పరుగులు చేసి నెగ్గింది. రోహిత్‌ రాయుడు సెంచరీతో రాణించగా.. తిలక్‌ వర్మ (65) అర్ధశతకంతో ఆకట్టుకున్నాడు.