కామన్వెల్త్‌ నిర్వహణ ఖర్చు 5 వేల కోట్లు?

అహ్మదాబాద్‌ ఆతిథ్యమివ్వనున్న ప్రతిష్టాత్మక 2030 కామన్వెల్త్‌ క్రీడల నిర్వహణకు రూ. 3 వేల కోట్ల నుంచి రూ. 5 వేల కోట్ల దాకా ఖర్చు చేసే అవకాశమున్నట్టు సమాచారం. మౌళిక వసతుల కల్పన, ఇతరత్రా నిర్వహణ ఖర్చుల కోసం వీటిని వెచ్చించనున్నారు.

ఢిల్లీ : అహ్మదాబాద్‌ ఆతిథ్యమివ్వనున్న ప్రతిష్టాత్మక 2030 కామన్వెల్త్‌ క్రీడల నిర్వహణకు రూ. 3 వేల కోట్ల నుంచి రూ. 5 వేల కోట్ల దాకా ఖర్చు చేసే అవకాశమున్నట్టు సమాచారం. మౌళిక వసతుల కల్పన, ఇతరత్రా నిర్వహణ ఖర్చుల కోసం వీటిని వెచ్చించనున్నారు. ఇందుకోసం ప్రత్యేకంగా లాభాపేక్ష లేని ఒక ఆర్గనైజింట్‌ కమిటీని ఏర్పాటుచేయనున్నట్టు తెలుస్తున్నది. 2010లో ఢిల్లీలో జరిగిన కామన్వెల్త్‌ క్రీడల నుంచి పాఠాలు నేర్చుకుని ఈ నిర్ణయం తీసుకున్నట్టు వినికిడి.

నాడు కామన్వెల్త్‌ క్రీడల నిర్వహణ ఖర్చును రూ. 635 కోట్లుగా అంచనా వేయగా అదికాస్తా ఏకంగా రూ. 2,600 కోట్లు దాటింది. మొత్తం ఖర్చు రూ. 70 వేల కోట్ల పైమాటే. ఈ అనుభవాల నేపథ్యంలో నాటి తప్పులను పునరావృతం కాకుండా చూసుకునేందుకు వచ్చే జనవరి నాటికి ఆర్గనైజింగ్‌ కమిటీని ఏర్పరిచి ఈ క్రీడలను విజయవంతంగా నిర్వహించేందుకు ప్రణాళికలను సిద్ధం చేయనున్నారు.