FIFA World Cup : ఫిఫా వరల్డ్ కప్లో మొదటి మ్యాచ్లో గెలిచి ఆత్మవిశ్వాసంతో ఉన్న బ్రెజిల్ జట్టుకు గట్టి ఎదురుదెబ్బ తగిలింది. ఆ జట్టు స్టార్ ఆటగాడు నెయ్మర్ గ్రూప్ మ్యాచ్లకు దూరం కానున్నాడు. సెర్బియాతో గురువారం జరిగిన తొలి మ్యాచ్లో అతనికి మోకాలికి గాయం అయింది. మోకాలి గాయం నుంచి కోలుకునేందుకు నెయ్మర్కు విశ్రాంతి అవసరమని, అందువల్ల అతను గ్రూప్ మ్యాచ్లకు అందుబాటులో ఉండడని జట్టు వైద్యులు ప్రకటించారు.
తొలి మ్యాచ్లో బ్రెజిల్ 2-0 తేడాతో సెర్బియా మీద విజయం సాధించింది. ఈ మ్యాచ్లో సెర్బియా ఆటగాడు నికోల మిలెన్కోవిక్ను ఢీ కొట్టడంతో నెయ్మర్ మోకాలికి గాయమైంది. అయినా కూడా తమ జట్టు రెండు గోల్స్ చేసేంత వరకు మైదానంలోనే ఉన్నాడు. ఆట 10 నిమిషాల్లో ముగుస్తంది అనగా అతను మైదానం వీడాడు. గాయం నుంచి కోలుకునేందుకు నెయ్మర్కు విశ్రాంతి ఇవ్వనున్నారు. అయితే డిసెంబర్ 3వ తేదీ నుంచి జరిగే నాకౌట్ స్టేజ్ మ్యాచ్లకు ఈ స్టార్ ప్లేయర్ అందుబాటులో ఉంటాడని సమాచారం.