Mike Hesson : ఐపీఎల్ ఫ్రాంచైజీ రాయల్ చాలెంజర్స్ బెంగళూరు మాజీ డైరెక్టర్ మైక్ హెసన్(Mike Hesson) త్వరలోనే పాకిస్థాన్ సూపర్ లీగ్(Pakistan Super League)లో దర్శనమివ్వనున్నాడు. ఈ ఆసీస్ మాజీ క్రికెటర్ ఇస్లామాబాద్ యూనైటెడ్ (Islamabad United) జట్టు హెడ్కోచ్గా నియమితులయ్యాడు. అజర్ మమమూద్ స్థానంలో మైక్ హెసన్ బాధ్యతలు చేపట్టాడు. 2016, 2018లో చాంపియన్గా నిలిచిన ఇస్లామాబాద్ జట్టు నిరుడు సీజన్లో మూడో స్థానంతో సరిపెట్టుకుంది. దాంతో, అజర్పై వేటే వేసిన మేనేజ్మెంట్ అనుభవజ్జుడైన హెస్సన్కు పగ్గాలు అప్పగించింది.
హెస్సన్కు టీ20 ఫార్మాట్ కోచ్గా సుదీర్ఘ అనుభవం ఉంది. అతడు 22 ఏండ్ల వయసులోనే ఒటాగో క్రికెట్ డైరెక్టర్గా చేరాడు. 15 ఏండ్ల పాటు సేవలందించిన హెస్సన్ 2008లో జట్టును చాంపియన్గా నిలిపాడు. ఇక అంతర్జాతీయ క్రికెట్లో కోచ్గా అతడి కెరీర్ కెన్యాతో మొదలైంది. 2012 జూలైలో న్యూజిలాండ్ క్రికెట్ జట్టుకు హెడ్కోచ్గా నియమితులయ్యాడు.
మైక్ హెసన్, సంజయ్ బంగర్
అనంతరం ఇండియన్ ప్రీమియర్ లీగ్ ఫ్రాంచైజీ రాయల్ చాలెంజర్స్ బెంగళూరు డైరెక్టర్గా ఎంపికయ్యాడు. అతడి హయాంలో బెంగళూరు 2020, 2022లో నాలుగో స్థానంలో, 2021లో మూడో స్థానంలో నిలిచింది. అయితే.. 16వ సీజన్లో ఆర్సీబీ ప్లే ఆఫ్స్ బెర్తు దక్కించుకోలేకపోవడంతో, యాజమాన్యం కోచింగ్ సిబ్బందిపై వేటు వేసింది. అందులో భాగంగా సంజయ్ బంగర్తో పాటు హెసన్ను తొలగించింది.