Deepak Chahar | చాహర్‌ భార్యకు చంపేస్తామంటూ బెదిరింపులు..!

టీమిండియా స్టార్ క్రికెటర్‌ దీపక్‌ చాహర్‌ భార్య జయ భరద్వాజ్‌కు బెదిరింపు కాల్స్‌ వచ్చాయి. తనకు ఇవ్వాల్సిన రూ.10లక్షలు తిరిగి ఇవ్వమని అడిగినందుకు సదరు వ్యక్తులు ఆమెను చంపేస్తామంటూ బెదిరించారు.

Deepak Chahar | టీమిండియా స్టార్ క్రికెటర్‌ దీపక్‌ చాహర్‌ భార్య జయ భరద్వాజ్‌కు బెదిరింపు కాల్స్‌ వచ్చాయి. తనకు ఇవ్వాల్సిన రూ.10లక్షలు తిరిగి ఇవ్వమని అడిగినందుకు సదరు వ్యక్తులు ఆమెను చంపేస్తామంటూ బెదిరించారు. ఈ విషయమై చాహర్‌ తండ్రి లోకేంద్ర చాహర్‌ ఆగ్రా పోలీసు స్టేషన్‌లో ఫిర్యాదు చేశారు.

వ్యాపారం కోసం అని చెప్పి రిఖ్‌ స్పోర్ట్స్‌ యజమాని ధ్రువ్‌ పరేక్‌, అతని తండ్రి కమలేశ్‌ పకేర్‌.. జయ భరద్వాజ్‌ వద్ద 2022 అక్టోబర్‌ 7న రూ.10లక్షలు అప్పుగా తీసుకున్నారు. అనంతరం డబ్బును వారు దుర్వినియోగం చేశారని తెలుసుకున్న భరద్వాజ్‌.. తన డబ్బు తిరిగి ఇవ్వాలని అడిగారు. అయితే, డబ్బు తిరిగి ఇవ్వమని అడిగినందుకు సదరు వ్యక్తులు తన కోడలిని చంపేస్తామని బెదిరించారని, అసభ్యకరంగా ప్రవర్తించారని చాహర్‌ తండ్రి తన ఫిర్యాదులో పేర్కొన్నారు. ఈ మేరకు పోలీసులు కేసు నమోదు చేసి దర్యాప్తు చేపట్టారు. కాగా, ఈ వ్యవహారంలో హైదరాబాద్ క్రికెట్ అసోసియేషన్ మాజీ అధికారి, ఆయన కుమారుడు ఉన్నట్లు ఆరోపణులు వస్తున్నాయి.