AUS vs PAK | వార్నర్, మార్ష్ శతకాల హోరు.. పాక్ బేజారు

AUS vs PAK | పాకిస్తాన్‌తో బెంగళూరు వేదికగా జరుగుతున్న మ్యాచ్‌లో ఆస్ట్రేలియా ఓపెనర్లు  డేవిడ్‌ వార్నర్‌, మిచెల్‌ మార్ష్‌లు  సెంచరీలతో కదం తొక్కారు.  

AUS vs PAK | పాకిస్తాన్‌తో బెంగళూరు వేదికగా జరుగుతున్న మ్యాచ్‌లో ఆస్ట్రేలియా ఓపెనర్లు  డేవిడ్‌ వార్నర్‌, మిచెల్‌ మార్ష్‌లు  సెంచరీలతో కదం తొక్కారు.  టాస్‌ ఓడి తొలుత బ్యాటింగ్‌కు వచ్చిన  ఆస్ట్రేలియా జట్టుకు భారీ స్కోరు అందించే దిశగా వీరబాదదుడు బాదుతున్న ఈ ఇద్దరూ   తొలి వికెట్‌కు ఏకంగా రెండు వందల పరుగులు జోడించి కొత్త రికార్డులు సృష్టిస్తున్నారు.

39 బంతుల్లోనే అర్థ సెంచరీ పూర్తిచేసుకున్న వార్నర్‌ అదే దూకుడును కొనసాగిస్తూ పాకిస్తా బౌలర్లపై  ఆధిపత్యం ప్రదర్శించాడు.  తొలి పవర్ ప్లే తర్వాత బౌండరీలతో పాటు  వికెట్ల మధ్య పరిగెగ్తుతూ సెంచరీకి చేరువయ్యాడు.    నవాజ్‌ వేసిన 30వ ఓవర్ నాలుగో బంతికి   లాంగాన్‌ దిశగా  సింగిల్‌ తీసి సెంచరీ  పూర్తిచేశాడు. 85 బంతుల్లోనే  ఏడు బౌండరీలు, ఆరు సిక్సర్ల సాయంతో వార్నర్‌ శతక్కొట్టాడు.

ఇక  46 బంతుల్లోనే  అర్థ సెంచరీ పూర్తిచేసిన  మార్ష్‌ ఆ తర్వాత   మరింత స్పీడ్‌ పెంచాడు.  హసన్‌ అలీ వేసిన 28వ ఓవర్లో సిక్సర్‌ కొట్టి   80లలోకి వచ్చిన అతడు.. అతడే వేసిన మరుసటి వర్లో  స్ట్రైయిట్‌ సిక్స్‌తో 90లలోకి వచ్చాడు.  వార్నర్‌  సెంచరీ చేసిన మరుసటి బంతిని   బౌండరీకి తరలించి  సెంచరీ పూర్తిచేసుకున్నాడు. ఇవాళ మిచెల్‌ మార్ష్‌ బర్త్‌ డే కావడం గమనార్హం. ఇక వరల్డ్‌ కప్‌లో ఆస్ట్రేలియాకు ఇదే  అత్యుత్తమ తొలి వికెట్‌ భాగస్వామ్యం. అంతకుముందు ఆ జట్టు  2011లో  కెనడాపై  షేన్‌ వాట్సన్‌, బ్రాడ్‌ హగిన్‌ లు తొలి వికెట్‌ కు 183 పరుగులు జోడించారు. ఇదే వేదికపై  వాట్సన్‌, హగిన్‌లు  సృష్టించిన రికార్డును తాజాగా వార్నర్‌, మార్ష్‌  బ్రేక్‌ చేయడం విశేషం.  31  ఓవర్ల ఆట ముగిసేటప్పటికీ  ఆసీస్‌.. వికెట్లేమీ నష్టపోకుండా 222 పరుగులు చేసింది. వార్నర్‌ (105 బ్యాటింగ్‌), మార్ష్‌ (108 బ్యాటింగ్‌) క్రీజులో ఉన్నారు.