Cricket Australia | గిల్ ఔటైన‌ బంతి ఒక‌ మాస్ట‌ర్ పీస్.. ట్వీట్ చేసిన క్రికెట్ ఆస్ట్రేలియా

Cricket Australia : ప్ర‌పంచ‌ టెస్టు చాంపియ‌న్‌షిప్ ఫైన‌ల్(WTC Final 2023) ర‌సవ‌త్త‌రంగా సాగుతోంది. రెండో రోజు ఆస్ట్రేలియా ఆలౌట‌య్యాక భార‌త్ తొలి ఇన్నింగ్స్ ధాటిగా ఆరంభించింది. కానీ, స్కాట్ బోలాండ్(Scott Boland) ఒక అద్భుత బంతితో ఫామ్‌లో ఉన్నశుభ్‌మ‌న్ గిల్(13) బౌల్డ్ చేశాడు. ఆ బంతిని క్రికెట్ ఆస్ట్రేలియా 'మాస్ట‌ర్‌పీస్‌'గా...

Cricket Australia : ప్ర‌పంచ‌ టెస్టు చాంపియ‌న్‌షిప్ ఫైన‌ల్(WTC Final 2023) ర‌సవ‌త్త‌రంగా సాగుతోంది. రెండో రోజు ఆస్ట్రేలియా ఆలౌట‌య్యాక భార‌త్ తొలి ఇన్నింగ్స్ ధాటిగా ఆరంభించింది. కానీ, స్కాట్ బోలాండ్(Scott Boland) ఒక అద్భుత బంతితో ఫామ్‌లో ఉన్నశుభ్‌మ‌న్ గిల్(13) బౌల్డ్ చేశాడు. ఆ బంతిని క్రికెట్ ఆస్ట్రేలియా ‘మాస్ట‌ర్‌పీస్‌’గా అభివ‌ర్ణించింది. బోలాండ్ వేసిన ఆ డెలివ‌రీ ఎంతంగా ట‌ర్న్ అయిందో తెలిపే ఫొటోను ట్విట్ట‌ర్‌లో పెట్టింది.

బోలాండ్ వేసిన సూప‌ర్ బాల్‌కు బౌల్డ్ అయిన గిల్‌కు ఒక్క క్ష‌ణం ఏం జ‌రిగిందో తెలియ‌లేదు. ఆ బంతి వికెట్ల వైపు రాదు అనుకున్న అత‌డు దానిని వ‌దిలేశాడు. అనూహ్యంగా ట‌ర్న్ అయిన బాల్ ఆఫ్ స్టంప్‌ను ఎగ‌ర‌గొట్టింది. దాంతో, బోలాండ్ స‌హా ఆసీస్ ఆట‌గాళ్లు సంబురాల్లో మునిగిపోయారు. అంత‌కుముందు ఓవ‌ర్లోనే క‌మిన్స్ డేంజ‌ర‌స్ రోహిత్ శ‌ర్మ‌(15) వెన‌క్కి పంపాడు. దాంతో, 30 ప‌రుగుల‌కే భార‌త్ రెండు కీల‌క వికెట్లు కోల్పోయింది.

Masterpiece 👌#WTCFinal pic.twitter.com/6skbxI48P6

— cricket.com.au (@cricketcomau) June 8, 2023

దంచికొట్టిన హెడ్, స్మిత్

ప్ర‌పంచ‌ టెస్టు చాంపియ‌న్‌షిప్ ఫైన‌ల్ తొలిరోజు విఫ‌ల‌మైన భార‌త బౌల‌ర్లు రెండో రోజు విజృంభించారు. పేస‌ర్ సిరాజ్ నాలుగు వికెట్లు తీయ‌డంతో ఆసీస్ ఇన్నింగ్స్469 ప‌రుగుల వ‌ద్ద‌ ముగిసింది. సిరాజ్ బౌలింగ్‌లో ప్యాట్ క‌మిన్స్(9) భారీ షాట్‌కు ప్ర‌య‌త్నించి ర‌హానే చేతికి చిక్కాడు. దాంతో, ఆస్ట్రేలియా ఆలౌట్ అయింది. ట్రావిస్ హెడ్(163), స్టీవ్ స్మిత్‌(121) సంచ‌ల‌న ఆట‌తో ఆసీస్ భారీ స్కోర్‌కు బాట‌లు వేశారు. చివ‌ర్లో అలెక్స్ క్యారీ (48) ధ‌నాధ‌న్ ఆడి జ‌ట్టు స్కోర్ 450 దాటించాడు.