బ్రూక్‌ రికార్డు డబుల్‌

కెప్టెన్‌ హ్యారీ బ్రూక్‌ (202) వన్డేల్లో ఫాస్టెస్ట్‌ డబుల్‌ సెంచరీతో పాటు ఈ ఫార్మాట్‌లో ద్విశతకం కొట్టిన ఇంగ్లండ్‌ తొలి ఆటగాడిగా రికార్డు సృష్టించినా తన జట్టును గెలిపించలేకపోయాడు. ముక్కోణపు వన్డే సిరీస్‌లో భాగంగా గురువారం జరిగిన మ్యాచ్‌లో శ్రీలంక 2 వికెట్ల తేడాతో ఇంగ్లిష్‌ టీమ్‌ను ఓడించి ఔరా అనిపించింది.

• అయినా ఇంగ్లండ్‌కు తప్పని ఓటమి

రావల్పిండి: కెప్టెన్‌ హ్యారీ బ్రూక్‌ (202) వన్డేల్లో ఫాస్టెస్ట్‌ డబుల్‌ సెంచరీతో పాటు ఈ ఫార్మాట్‌లో ద్విశతకం కొట్టిన ఇంగ్లండ్‌ తొలి ఆటగాడిగా రికార్డు సృష్టించినా తన జట్టును గెలిపించలేకపోయాడు. ముక్కోణపు వన్డే సిరీస్‌లో భాగంగా గురువారం జరిగిన మ్యాచ్‌లో శ్రీలంక 2 వికెట్ల తేడాతో ఇంగ్లిష్‌ టీమ్‌ను ఓడించి ఔరా అనిపించింది.

430 పరుగుల లక్ష్యాన్ని 8 వికెట్లు కోల్పోయి మరో బంతి మిగిలుండగానే అందుకొని వన్డేల్లో రెండో అత్యధిక ఛేదనతో రికార్డుకెక్కింది. పవన్‌ రత్నాయకే (130), అవిష్క (97), షనక (97)తో పాటు చివర్లో లియానగే (27 బంతుల్లో 61 నాటౌట్‌) మెరుపు బ్యాటింగ్‌తో లంకను గెలిపించారు. తొలుత ఇంగ్లండ్‌ 50 ఓవర్లలో 429/4 స్కోరు చేసింది. 114 బంతుల్లో ద్విశతకానికి చేరిన బ్రూక్‌ గత నెల వెస్టిండీస్‌పై భారత సారథి శుభ్‌మన్‌ గిల్‌ 117 బంతుల్లో నెలకొల్పిన ఫాస్టెస్ట్‌ డబుల్‌ సెంచరీ రికార్డును బ్రేక్‌ చేశాడు.