AUS vs BAN | ఆసీస్ త‌డ‌బాటు.. స్మిత్, గ్రీన్ నిల‌బ‌డేనా..!

AUS vs BAN : మెక్‌కే టెస్టులో ఆస్ట్రేలియా బ్యాట‌ర్లు త‌డ‌బ‌డుతున్నారు. బంగ్లాదేశ్‌ను 64కే క‌ట్ట‌డి చేసిన ఆసీస్ సైతం చూస్తుండ‌గానే కీల‌క వికెట్లు కోల్పోయింది.

AUS vs BAN : మెక్‌కే టెస్టులో ఆస్ట్రేలియా బ్యాట‌ర్లు త‌డ‌బ‌డుతున్నారు. బంగ్లాదేశ్‌ను 64కే క‌ట్ట‌డి చేసిన ఆసీస్ సైతం చూస్తుండ‌గానే కీల‌క వికెట్లు కోల్పోయింది. ఓపెన‌ర్లు విఫ‌ల‌మ‌వ్వ‌గా.. మూడో స్థానంలో వ‌చ్చిన‌ మార్న‌స్ ల‌బూషేన్(4) మ‌ళ్లీ నిరాశ‌ప‌రిచాడు. షొరిఫుల్ ఇస్లాం(2-15) ధాటికి స్కోర్ వేగం త‌గ్గిపోగా.. ప్ర‌స్తుతం కామెరూన్ గ్రీన్(19 నాటౌట్), స్టీవ్ స్మిత్‌(26 నాటౌట్)లు ఆచితూచి ఆడుతున్నారు.

బంగ్లాదేశ్‌ను త్వ‌ర‌త్వ‌ర‌గా ఆలౌట్ చేసిన ఆస్ట్రేలియా సైతం కీల‌క వికెట్లు కోల్పోయింది. లంచ్ త‌ర్వాత ఇన్నింగ్స్ ఆరంభించిన ఆసీస్‌కు త‌స్కిన్ అహ్మ‌ద్ మొద‌టి షాకిచ్చాడు. మూడేళ్ల త‌ర్వాత పున‌రాగ‌మ‌నం చేసిన రెన్‌షా 8 ప‌రుగుల‌కే పెవిలియ‌న్ చేరాడు. దాంతో, 22 ప‌రుగ‌ల వ‌ద్ద ఆసీస్ తొలి వికెట్ ప‌డింది.

Back in the side, Shoriful Islam takes two in his first over 👏

(via @cricketcomau) pic.twitter.com/gnpf5rtzDP

— Cricinfo (@cricinfo) August 22, 2026

ఆ త‌ర్వాత షొరిఫుల్ ఇస్లాం(2-15) ఒకే ఓవ‌ర్లో డేంజ‌ర‌స్ ట్రావిస్ హెడ్‌(22), మార్న‌స్ ల‌బూషేన్‌(4)ల‌ను వెన‌క్కి పంపాడు. 41 ప‌రుగుల వ‌ద్ద మూడో వికెట్ ప‌డిన వేళ కామెరూన్ గ్రీన్(19 నాటౌట్), స్టీవ్ స్మిత్‌(26 నాటౌట్)లు ఆచితూచి ఆడుతున్నారు. 21 ఓవ‌ర్ల‌కు మూడు వికెట్ల న‌ష్టానికి 100 ప‌రుగులు చేసింది ఆసీస్. ప్ర‌స్తుతం క‌మిన్స్ సేన 36 ప‌రుగుల ఆధిక్యంలో ఉంది.

స్టార్క్ నిప్పులు

ఆస్ట్రేలియా గ‌డ్డ‌పై 23 ఏళ్ల త‌ర్వాత టెస్టు సిరీస్ ఆడుతున్న బంగ్లాదేశ్‌ చ‌రిత్రాత్మ‌క విజ‌యంతో ముందంజ వేసింది. డార్విన్ టెస్టులో గెలుపొందిన బంగ్లా కీల‌క‌మైన‌ రెండో టెస్టులో తేలిపోయింది. తొలి సెష‌న్ మొద‌లైందో లేదో మిచెల్ స్టార్క్‌(6-12) నిప్పులు చెర‌గ‌డంతో 12 ప‌రుగుల‌కే స‌గం వికెట్లు కోల్పోయిన బంగ్లా ఏ ద‌శ‌లోనూ కోలుకోలేదు. మ‌రో ఎండ్‌లో క‌మిన్స్‌(3-25) సైతం చెల‌రేగ‌గా లంచ్ త‌ర్వాత ప‌ర్యాట‌క జ‌ట్టు ఇన్నింగ్స్ ముగిసింది. సంచ‌ల‌న బౌలింగ్‌తో స్టార్క్ బెంబేలెత్తించ‌గా 64 ప‌రుగుల‌కే బంగ్లా కుప్ప‌కూలింది.