Australia Open 2024: పది రోజులుగా టెన్నిస్ ప్రేక్షకులను అలరిస్తున్న సీజన్ ఆరంభ టోర్నీ ఆస్ట్రేలియా ఓపెన్ క్వార్టర్స్ దశకు చేరుకుంది. సంచలన ఫలితాలు, టాప్ సీడ్ ఆటగాళ్ల నిష్క్రమణ, యువ ఆటగాళ్ల అద్భుత ప్రదర్శనలతో ప్రిక్వార్టర్ పోటీలు ముగిసిన నేపథ్యంలో మంగళవారం నుంచి క్వార్టర్స్ పోరు మొదలుకానుంది. పురుషుల సింగిల్స్లో టాప్ – 15లో ఉన్న ఆటగాళ్లలో ఎనిమిది మంది ఆస్ట్రేలియా ఓపెన్ క్వార్టర్స్ చేరుకున్నారు. మహిళల సింగిల్స్లో కూడా టాప్ – 15 ర్యాంకర్లలో నలుగురు మాత్రమే క్వార్టర్స్ చేరగా మిగిలిన నలుగురు తొలిసారి రౌండ్ ఆఫ్ 8కు అర్హత సాధించారు. ఆ జాబితాను ఇక్కడ చూద్దాం.
పురుషుల సింగిల్స్లో..
పురుషుల సింగిల్స్లో టాప్ సీడ్ ఆటగాళ్లు నొవాక్ జొకోవిచ్ (1), రెండో సీడ్ కార్లోస్ అల్కరాజ్ (2), డేనియల్ మెద్వదేవ్ (3), జన్నిక్ సిన్నర్ (4), ఆండ్రీ రుబ్లెవ్ (5), అలెగ్జాండర్ జ్వెరెవ్ (6), హ్యూబర్ట్ హుర్కాజ్ (9), టేలర్ ఫ్రిట్జ్ (12)లు క్వార్టర్స్కు చేరారు. వీరిలో ఎవరితో ఎవరు పోటీ పడుతున్నారంటే..
క్వార్టర్స్లో భాగంగా మంగళవారం తొలి పోరు డిఫెండింగ్ ఛాంపియన్ జొకోవిచ్.. టేలర్ ఫ్రిట్జ్తో తలపడబోతున్నాడు. ఆ తర్వాత సిన్నర్.. రుబ్లెవ్ను ఢీకొంటాడు. బుధవారం హుర్కాజ్ .. మెద్వదేవ్తో ఆడనున్నాడు. స్పెయిన్ యువ సంచలనం అల్కరాజ్.. జ్వెరెవ్తో తాడో పేడో తేల్చుకోనున్నాడు. టాప్ సీడ్స్ అందరూ పోటీలో ఉండటంతో క్వార్టర్స్ పోరు రసవత్తరంగా సాగడం ఖాయంగా కనిపిస్తోంది.
He’s coming for the 👑@carlosalcaraz • #AusOpen • #AO2024 pic.twitter.com/XhekdIHp2Z
— #AusOpen (@AustralianOpen) January 22, 2024
మహిళల సింగిల్స్లో..
మహిళల సింగిల్స్లో క్వార్టర్స్కు చేరినవారిలో డిఫెండింగ్ ఛాంపియన్ అరీనా సబలెంక (1), క్రెజికోవా (9), కోకో గాఫ్ (4), కిన్వెన్ జెంగ్ (12)లతో పాటు నొస్కోవా (చెక్ రిపబ్లిక్), యస్త్రంస్క (ఉక్రెయిన్), కోస్ట్యుక్ (ఉక్రెయిన్), అన్నా కలిన్స్కయ (రష్యా) లు ఉన్నారు. మహిళల సింగిల్స్లో భాగంగా మంగళవారం నాలుగు మ్యాచ్లు పూర్తవుతాయి. నొస్కొవ – యస్త్రంస్క తో క్వార్టర్స్ ఆడనుంది. కలిన్స్కయ.. జెంగ్తో పోటీ పడనుంది. కోకోగాఫ్తో కోస్ట్యుక్ తలపడనుండగా సబలెంక.. క్రెజికోవాతో అమీతుమీ తేల్చుకోనుంది.
Day 10 | Women’s quarterfinal preview 🙌
Fasten your seatbelts 🎢https://t.co/DEZp0msqu2
— #AusOpen (@AustralianOpen) January 22, 2024