Realme 9i | స్నాప్‌డ్రాగ‌న్ ప్రాసెస‌ర్‌తో భార‌త్‌లో రియ‌ల్‌మీ 9ఐ లాంచ్‌.. బ‌డ్జెట్ ధ‌ర‌లో బెస్ట్ ఫీచ‌ర్ల‌తో రిలీజ్‌

Realme 9i | రియ‌ల్‌మీ కంపెనీ నుంచి మ‌రో బెస్ట్ స్మార్ట్‌ఫోన్ వ‌చ్చేసింది. గ‌త సంవ‌త్స‌రం రియ‌ల్‌మీ 8ఐ రిలీజ్ అయిన విష‌యం తెలిసిందే. తాజాగా రియ‌ల్‌మీ 9ఐ స్మార్ట్‌ఫోన్‌ను కంపెనీ ఇండియాలో లాంచ్ చేసింది. బడ్జెట్ ధ‌ర‌లో బెస్ట్ ఫీచ‌ర్ల‌తో ఈ ఫోన్ లాంచ్ అయింది. ఆక్టా కోర్ క్వాల్‌కామ్ స్నాప్‌డ్రాగ‌న్ 680 ఎస్‌వోసీ, 33 వాట్స్ ఫాస్ట్ చార్జింగ్ లాంటి ఫీచ‌ర్ల‌తో ఈ ఫోన్ లాంచ్ అయింది.

కాకపోతే రీఫ్రెష్ రేట్ స్క్రీన్ విష‌యంలో మాత్రం 8ఐ కంటే 9ఐ మోడ‌ల్ ఫోన్‌ది త‌క్కువ రేట్. రియ‌ల్‌మీ 8ఐ 120 హెచ్‌జెడ్ రీఫ్రెష్ రేట్‌తో రాగా.. 9ఐ మాత్రం 90 హెచ్‌జెడ్ డిస్‌ప్లేను క‌లిగి ఉంది.

రెడ్‌మీ నోట్ 10 ఎస్‌, సామ్‌సంగ్ గెలాక్సీ ఎమ్ 32 ఫోన్ల‌కు పోటీగా రియ‌ల్‌మీ 9ఐ మోడ‌ల్ ఫోన్‌ను లాంచ్ చేసింది. ఇందులోనే ప్రో మోడ‌ల్ ఫోన్ రెడ్ మీ నోట్ 11టీ 5జీ ఫోన్‌కు దీటుగా తీసుకొచ్చారు. ఇందులో రెండు మోడ‌ల్స్ అందుబాటులో ఉంటాయి.

4జీబీ ప్ల‌స్ 64 జీబీ, 6 జీబీ ప్ల‌స్ 128 జీబీ వేరియంట్లు ఉంటాయి. 4జీబీ వేరియంట్ ఫోన్ ధ‌ర రూ.13,999 కాగా 6జీబీ వేరియంట్ ధ‌ర రూ.15,999 గా ఉండ‌నుంది. ప్రిజ‌మ్ బ్లాక్, ప్రిజ‌మ్ బ్లూ క‌ల‌ర్స్‌లో రానున్న ఈ ఫోన్ సేల్స్ జ‌న‌వ‌రి 25 నుంచి ప్రారంభం కానున్నాయి.

జ‌న‌వ‌రి 22 నుంచి ఫ్లిప్‌కార్ట్, రియ‌ల్‌మీ వెబ్‌సైట్‌లో సేల్స్ ప్రారంభం అవ‌వుతాయి. గ‌త సంవ‌త్స‌రం రిలీజ్ అయిన రియ‌ల్‌మీ 8ఐ ఫోన్ ధ‌ర రూ.13,999గా ఉంది. 6జీబీ వేర‌యింట్ ధ‌ర రూ.15,999గా ఉంది.

రియ‌ల్‌మీ 9ఐ స్పెసిఫికేష‌న్లు

డ్యుయ‌ల్ సిమ్, ఆండ్రాయిడ్ 11, రియ‌ల్‌మీ యూఐ 2.0, 6.6 ఇంచ్ ఫుల్ హెచ్‌డీ ప్ల‌స్ డిస్‌ప్లే, 90 హెచ్‌జెడ్ రీఫ్రెష్ రేట్‌, 180 హెచ్‌జెడ్ ట‌చ్ శాంప్లింగ్ రేట్‌, డ్రాగ‌న్ ట్రయ‌ల్ ప్రో గ్లాస్‌, ఆక్టా కోర్ క్వాల్‌కామ్ స్నాప్‌డ్రాగ‌న్ 680 ఎస్‌వోసీ, అడ్రెనో 610 జీపీయూ, 50 ఎంపీ ప్రైమ‌రీ సామ్‌సంగ్ సెన్సార్‌, 4జీ ఎల్‌టీఈ, డ్యుయ‌ల్ బ్యాండ్ వైఫై, బ్లూటూత్‌, జీపీఎస్, యూఎస్‌బీ టైప్ సీ, 3.5 ఎంఎం హెడ్‌ఫోన్ జాక్‌, ఆక్సిలెరోమీట‌ర్‌, ఫింగ‌ర్‌ప్రింట్ సెన్సార్‌, 5000 ఎంఏహెచ్ బ్యాట‌రీ, 33 వాట్స్ డార్ట్ చార్జ్ లాంటి ఫీచ‌ర్ల‌తో ఈ ఫోన్ భార‌త్‌లో లాంచ్ అయింది.