న్యూఢిల్లీ : భారత్లో ట్రెండీ స్మార్ట్ఫోన్ నథింగ్ ఫోన్ 1 మరో రెండు వారాల్లో లాంఛ్ కానుండగా కంపెనీ ఈ హాట్ స్మార్ట్ఫోన్కు సంబంధించి కీలక ఫీచర్ను వెల్లడించింది. నథింగ్ ఫోన్ 1 ఆకర్షణీయ డిజైన్ను ఇటీవల ప్రదర్శించిన కంపెనీ తాజాగా లేటెస్ట్ స్మార్ట్ఫోన్కు సంబంధించి కొన్ని ప్రత్యేకతలను తెలిపింది. ఈ డివైజ్లో వాడే చిప్సెట్ గురించి పలు వివరాలు వెల్లడయ్యాయి. నథింగ్ పోన్ 1 క్వాల్కాం స్నాప్డ్రాగన్ 778జీ+ చిప్సెట్ కలిగిఉందని కంపెనీ సీఈవో కార్ల్ పీ ఇన్పుట్మ్యాగ్కు ఇచ్చిన ఇంటర్వ్యూలో తెలిపారు.
ఇది అత్యంత శక్తివంతమైన చిప్ అని దీంతో ఫోన్ మెరుగైన సామర్ధ్యం ప్రదర్శిస్తుందని పీ చెప్పుకొచ్చారు. మధ్యతరహా చిప్ను వాడటంతో ఫోన్ ధర కూడా అందుబాటులో ఉండేలా చూశామని అన్నారు. నథింగ్ పోన్ 1 వైర్లెస్, రివర్స్ చార్జింగ్ సపోర్ట్ను కలిగిఉందని కూడా కంపెనీ తెలిపింది. రూ 50,000 కంటే అధిక ధర పలికే స్మార్ట్ఫోన్లలోనే ఈ ఫీచర్ అందుబాటులో ఉంటుంది.
గ్లిఫ్ ఇంటర్ఫేస్గా పిలిచే వినూత్న డిజైన్తో నథింగ్ పోన్ 1 కస్టమర్ల ముందుకు రానుంది. రియర్ ప్యానెల్ కూల్ లైట్ సిస్టంతో కస్టమైజ్డ్గా అందుబాటులోకి రానుంది. వెనుక భాగంలో లైన్స్ లోపల అమర్చిన 900 ఎల్ఈడీలు ఫోన్కు నోటిఫికేషన్స్ రాగానే లైట్లు వెలుగుతూ అలర్ట్ చేస్తాయి. ఇక నథింగ్ పోన్ భారత్లో రూ 30,000 నుంచి రూ 40,000 మధ్య లభిస్తుందని భావిస్తున్నారు. వన్ప్లస్ 10ఆర్ స్మార్ట్పోన్ వంటి పాపులర్ ఫోన్లకు నథింగ్ ఫోన్ 1 దీటైన పోటీ ఇవ్వనుంది.