న్యూ ఇయర్‌ సందడి

2023 సంవత్సరానికి వీడ్కోలు పలుకుతూ 2024 సంవత్సరానికి పట్టణ వాసులు ఘన స్వాగతం పలికారు. న్యూ ఇయర్‌ను ఉత్సాహంగా జరుపుకొన్నారు. కొత్త సంవత్సర వేడుకల్లో భాగంగా ప్రజల అభిరుచులకు తగిన విధంగా హోటళ్లు, రెస్టారెంట్లలో వివిధ రకాల వంటకాలను ఆస్వాదించారు.

• పెరిగిన కేకుల అమ్మకాలు
• వినియోగదారులతో కిటకిటలాడిన కేంద్రాలు

షాద్‌నగర్‌టౌన్‌, డిసెంబర్‌ 31: 2023 సంవత్సరానికి వీడ్కోలు పలుకుతూ 2024 సంవత్సరానికి పట్టణ వాసులు ఘన స్వాగతం పలికారు. న్యూ ఇయర్‌ను ఉత్సాహంగా జరుపుకొన్నారు. కొత్త సంవత్సర వేడుకల్లో భాగంగా ప్రజల అభిరుచులకు తగిన విధంగా హోటళ్లు, రెస్టారెంట్లలో వివిధ రకాల వంటకాలను ఆస్వాదించారు. ఆదివారం కేకుల వ్యాపారం జోరుగా సాగింది.

పట్టణంలోని పలు చోట్ల విక్రయ కేంద్రాలను ఏర్పాటు చేసి కేకులను విక్రయించారు. వినియోగదారుల అభిరుచులు తెలిసిన వివిధ బేకరీల యజమానులు ప్రత్యేక కేకులను తయారు చేయడంతో పాటు ఆకట్టుకోవడానికి ఆఫర్లను పెట్టారు. మాంసం, ఇతర వ్యాపారాలు లాభ సాటిగా సాగాయి. పలు బేకరీలలో ప్రత్యేకంగా తయారు చేసిన పలు బొమ్మల కేకులు చూపరులను ఆకట్టుకున్నాయి.

కిటకిటలాడిన బేకరీ షాపులు

చేవెళ్లటౌన్‌ : నూతన సంవత్సర వేడుకలను ఘనంగా జరుపుకొన్నారు. ప్రజలను ఆకర్షించేందుకు బేకరీ షాపులను అలంకరించారు. వివిధ రూపాల్లో కేక్‌లను తయారు చేశారు. దీంతో బేకరీలు కిక్కిరిశాయి.