బాహుబ‌లి రికార్డ్ బ్రేక్ చేసిన వ‌కీల్ సాబ్ ట్రైల‌ర్

మ‌హిళ‌లు ఎదుర్కొంటున్న స‌మ‌స్య‌ల నేప‌థ్యంగా హిందీలో తెర‌కెక్కిన పింక్ చిత్రాన్ని ఇప్పుడు తెలుగులో వ‌కీల్ సాబ్ పేరుతో రీమేక్ చేసిన సంగ‌తి తెలిసిందే. ప‌వ‌న్ క‌ళ్యాణ్‌, శృతి హాస‌న్ ఇందులో ప్ర‌ధాన పాత్ర‌లు పోషించ‌గా, నివేదా థామ‌స్, అంజ‌లి, అన‌న్య, ప్ర‌కాశ్ రాజ్ కీల‌క పాత్ర‌లు పోషించారు. శ్రీరామ్ వేణు తెర‌కెక్కించిన ఈ చిత్రాన్ని ఏప్రిల్ 9న విడుద‌ల చేయ‌నున్నారు. ఈ క్ర‌మంలో హోలీ సంద‌ర్బంగా ట్రైల‌ర్ విడుద‌ల చేశారు. ఈ ట్రైల‌ర్ నెవ‌ర్ బిఫోర్ ఎవ‌ర్ ఆఫ్ట‌ర్ అన్న చందాన రికార్డుల ప్ర‌భంజ‌నం సృష్టిస్తుంది.

ట్రైల‌ర్ లో ప‌వ‌న్ క‌ళ్యాణ్ ఇమేజ్‌ను ఎక్కువ‌గా ఎలివేట్ చేయ‌ని చిత్ర బృందం కేవలం క‌థ‌పైనే పూర్తిగా ఫోక‌స్ పెట్టింది. అయిన‌ప్ప‌టికీ వ‌కీల్ సాబ్ ట్రైల‌ర్ 24 గంట‌ల‌లోనే 12 మిలియ‌న్ వ్యూస్ సాధించి బాహుబ‌లి రికార్డ్ బ్రేక్ చేసింది. అంతేకాదు 8 ల‌క్ష‌ల లైకులు మార్క్‌ను సెట్ చేసి 1 మిలియ‌న్స్ లైక్స్‌ను అందుకునేందుకు ప‌రుగులు పెడుతుంది. ప‌వ‌న్ కం బ్యాక్‌తో టాలీవుడ్‌లో రికార్డులు చెదిరిపోతున్నాయి. ట్రైల‌రే ఈ రేంజ్‌లో సెన్సేష‌న్ క్రియేట్ చేస్తుంటే సినిమా ఇంకెన్ని ప్ర‌భంజ‌నాలు సృష్టిస్తుందో చూడాలి. థమన్ సంగీతం అందించిన ఈ చిత్రానికి దిల్ రాజు నిర్మాణం వహించగా శ్రీరామ్ వేణు ద‌ర్శ‌క‌త్వం వ‌హించారు.