Trent Boult | సూర్య‌.. నువ్వు అచ్చం నా లెక్క‌నే ఆడుతున్నావు : కివీస్ క్రికెట‌ర్

భార‌త జ‌ట్టు స్టార్ క్రికెట‌ర్ సూర్య‌కుమార్ యాద‌వ్ అచ్చం త‌న‌లానే ఆడుతున్నాడ‌ని న్యూజిలాండ్ ఫాస్ట్ బౌల‌ర్ ట్రెంట్ బౌల్ట్ జోక్ చేశాడు. యూఏఈ లీగ్‌లో బౌల్ట్ నెట్ ప్రాక్టీస్‌లో భారీ షాట్ ఆడాడు. 'ఓ సూర్య‌కుమార్' అని గ‌ట్టిగా అరిచాడు.

Trent Boult : భార‌త జ‌ట్టు స్టార్ క్రికెట‌ర్ సూర్య‌కుమార్ యాద‌వ్ గురించి న్యూజిలాండ్ ఆట‌గాడు ట్రెంట్ బౌల్ట్ ఆస‌క్తిక‌ర వ్యాఖ్య‌లు చేశాడు. అత‌ను అచ్చం త‌న‌లానే ఆడుతున్నాడ‌ని బౌల్ట్ జోక్ చేశాడు. ప్ర‌స్తుతం యునైటెడ్ అర‌బ్ ఎమిరేట్స్‌లో జ‌రుగుతున్న ఇంట‌ర్నేష‌న‌ల్ లీగ్‌లో ఆడుతున్న బౌల్ట్‌ నెట్ ప్రాక్టీస్‌లో భారీ షాట్ ఆడాడు. అనంత‌రం ‘ఓ సూర్య‌కుమార్’ అని గ‌ట్టిగా అరిచాడు. ఆ వీడియోను ఎంఐ ఎమిరేట్స్ ఇన్‌స్టాగ్రామ్‌లోషేర్ చేసింది. ఆ వీడియో చూసిన సూర్య ‘వాట్ ఏ ప్లేయ‌ర్’ అని కామెంట్ చేశాడు. అందుకు బౌల్ట్ స‌ర‌దాగా స్పందించాడు. ‘సూర్య‌కుమార్ కొన్నేళ్లుగా నువ్వు అచ్చం నాలానే ఆడుతున్నావు’ అని కామెంట్ చేశాడు.

ఎలిమినేట‌ర్ మ్యాచ్ కోసం..

యూఏఈ లీగ్‌లో బౌల్ట్ ఎంఐ ఎమిరేట్స్ జ‌ట్టుకు ఆడుతున్నాడు. దుబాయ్ క్యాపిటల్స్‌తో ఎలిమినేట‌ర్ మ్యాచ్‌కు ముందు రోజు అత‌ను బ్యాటింగ్ ప్రాక్టీస్ చేశాడు. భారీ షాట్ ఆడిన అనంత‌రం అది సిక్స్ వెళ్లిందా? అని బౌల‌ర్‌ను అడిగాడు. అత‌ను అవును అని చెప్ప‌డంతో బౌల్ట్ ‘నైస్ సూర్య‌కుమార్’ అని పెద్ద‌గా అన్నాడు. అంతేకాదు ఆ వీడియోను ఇన్‌స్టాలో షేర్ చేశాడు. ‘ఈ షాట్ ఎలా ఉంది?’ అని సూర్యకుమార్‌ను అడిగాడు.

ఐపీఎల్‌లో ఒకే జ‌ట్టుకు 

సూర్యకుమార్‌, బౌల్ట్.. ఇద్ద‌రూ ఐపీఎల్‌లో డ్రెస్సింగ్ రూమ్ పంచుకున్నారు. ఈ స్టార్ ఆట‌గాళ్లు ముంబై ఇండియ‌న్స్ ఫ్రాంఛైజీకి ఆడారు. టీ20ల్లో నంబ‌ర్ 1 బ్యాట‌ర్ అయిన సూర్య‌ బోర్డ‌ర్ – గ‌వాస్క‌ర్ ట్రోఫీలో టెస్టుల్లో ఆరంగేట్రం చేశాడు. తొలి టెస్టు వేదిక అయిన నాగ్‌పూర్‌లో అత‌ను డెబ్యూ క్యాప్ అందుకున్నాడు. ఈ మ్యాచ్‌లో అత‌ను ఐదో స్థానంలో బ్యాటింగ్‌కు దిగ‌నున్నాడు.

 

View this post on Instagram

 

A post shared by MI Emirates (@miemirates)