కన్నడ అగ్రకథానాయకుడు పునీత్రాజ్కుమార్ ఇటీవల గుండెపోటుతో కన్నుమూసిన విషయం తెలిసిందే. ఆయన హఠాన్మరణం తాలూకు విషాదం నుంచి కుటుంబసభ్యులు, అభిమానులు ఇప్పుడిప్పుడే తేరుకుంటున్నారు. సోమవారం పునీత్ రాజ్కుమార్ నటించిన కన్నడ డాక్యుమెంటరీ ‘గంధగుడి’ ట్రైలర్ను విడుదలచేశారు. కర్ణాటక అటవీ సంపదను సంరక్షించుకోవాలనే సందేశంతో పునీత్రాజ్కుమార్ కలల ప్రాజెక్ట్గా ఈ డాక్యుమెంటరీ తెరకెక్కింది. స్వీయ నిర్మాణ సంస్థ పీఆర్కే ప్రొడక్షన్స్ పతాకంపై ఆయనే దీనిని నిర్మించారు. కర్ణాటక అడవులు, జలపాతాలు, ప్రకృతి అందాలను చూపిస్తూ ట్రైలర్ ఆసక్తికరంగా సాగింది. ఇందులో పునీత్ ైస్టెలిష్గా కనిపించారు. అమోఘవర్ష ఈ డాక్యుమెంటరీకి దర్శకత్వం వహించారు. ‘గంధదగుడి’ పేరుతో 1973లో దిగ్గజ నటుడు రాజ్కుమార్ ఓ సినిమా చేశారు. తండ్రి టైటిల్ను పునీత్రాజ్కుమార్ ఎంచుకోవడం ఆసక్తిని రేకెత్తిస్తున్నది. త్వరలో ఈ డాక్యుమెంటరీ విడుదలకానుంది.