అలాంటి ఫినిష‌ర్ మ‌న‌కు లేడు.. ఇండియ‌న్ క్రికెట‌ర్‌పై అఫ్రిది కామెంట్‌

Hardik Pandya: హార్దిక్ పాండ్యా లాంటి మ్యాచ్ విన్నింగ్ ఫినిష‌ర్ పాకిస్థాన్‌కు అవ‌స‌రం ఉంద‌ని మాజీ ఆల్‌రౌండ‌ర్ షాహిద్ అఫ్రిది అభిప్రాయ‌ప‌డ్డాడు. ఓ టీవీ కార్య‌క్ర‌మంలో యాంక‌ర్ అడిగిన ప్ర‌శ్న‌కు ఆయ‌న ఈర‌కంగా బ‌దులు ఇచ్చాడు. పాకిస్థాన్ బ్యాటింగ్ లైన‌ప్‌లో అలాంటి ప్లేయ‌ర్ లేర‌న్నాడు. అసిఫ్ అలీ, ఖుష్‌దిల్ లాంటి ఆట‌గాళ్లు ఫినిష‌ర్

న్యూఢిల్లీ: హార్దిక్ పాండ్యా లాంటి మ్యాచ్ విన్నింగ్ ఫినిష‌ర్ పాకిస్థాన్‌కు అవ‌స‌రం ఉంద‌ని మాజీ ఆల్‌రౌండ‌ర్ షాహిద్ అఫ్రిది అభిప్రాయ‌ప‌డ్డాడు. ఓ టీవీ కార్య‌క్ర‌మంలో యాంక‌ర్ అడిగిన ప్ర‌శ్న‌కు ఆయ‌న ఈర‌కంగా బ‌దులు ఇచ్చాడు. పాకిస్థాన్ బ్యాటింగ్ లైన‌ప్‌లో అలాంటి ప్లేయ‌ర్ లేర‌న్నాడు. అసిఫ్ అలీ, ఖుష్‌దిల్ లాంటి ఆట‌గాళ్లు ఫినిష‌ర్ పాత్ర‌ను పోషించాల‌న్నారు. కానీ ఆ ఇద్ద‌రూ నిల‌క‌డ‌గా రాణించ‌డంలేద‌న్నారు. మ‌హ్మ‌ద్ న‌వాజ్‌, షాదాబ్ ఖాన్ లాంటి ఆట‌గాళ్లు కూడా నిల‌క‌డ‌గా ఆడ‌డంలేద‌న్నారు. పాండ్యా లాంటి న‌మ్మ‌క‌మైన బ్యాట‌ర్ కావాల‌ని, అవ‌స‌రానికి బౌలింగ్‌లో రాణించే క్రికెట‌ర్ ఎవ‌రైనా ఉన్నారా అని సామా టీవీ యాంక‌ర్ ప్ర‌శ్న వేశాడు. మీర‌న్న‌ది నిజ‌మే అని, పాండ్యా లాంటి ఫినిష‌ర్ మ‌న‌కు లేర‌ని, అసిఫ్ అలీ, ఖుష్‌దిల్ ఆ పాత్ర‌ను పోషించాల‌ని అఫ్రిది అన్నాడు.

ఇటీవ‌ల ఆసియా క‌ప్‌లో పాకిస్థాన్‌తో జ‌రిగిన మ్యాచ్‌లో పాండ్యా అద్భుతంగా ఆడాడు. తొలుత 3 వికెట్లు తీసుకుని, ఆ త‌ర్వాత 17 బంతుల్లో కీల‌క‌మైన 33 ర‌న్స్ చేశాడు. ఆసీస్‌తో జ‌రిగిన టీ20 సిరీస్‌లోనూ పాండ్యా కీల‌క ఇన్నింగ్స్ ఆడాడు. తొలి మ్యాచ్‌లో 30 బంతుల్లో 71 ర‌న్స్ చేశాడు. ప్ర‌స్తుతం ద‌క్షిణాఫ్రికాతో జ‌ర‌గ‌నున్న సిరీస్‌కు అత‌నికి రెస్ట్ ఇచ్చారు. ఒక మ‌ళ్లీ వ‌ర‌ల్డ్‌క‌ప్‌లో పాండ్యా ఆడ‌నున్నాడు.