హైదరాబాద్ సిటీబ్యూరో, మార్చి 2 (నమస్తే తెలంగాణ): కేంద్ర ఎలక్ట్రానిక్స్, ఇన్ఫర్మేషన్ టెక్నాలజీ మంత్రిత్వ శాఖ, గూగుల్ సంయుక్తంగా ఏర్పాటుచేసిన స్టార్టప్ హబ్కు దేశవ్యాప్తంగా 100 స్టార్టప్లు ఏంపికయ్యాయి. ఇందులో హైదరాబాద్కు చెందిన 6 స్టార్టప్లకు చోటు దక్కింది. ప్రపంచ స్థాయిలో యాప్లను రూపొందించే సత్తా ఉన్న స్టార్టప్లను ఎంపిక చేశారు. 6 నెలలపాటు నిర్వహించే ఈ కార్యక్రమంలో ప్రపంచ యాప్ మార్కెట్ కోసం వీటికి ప్రత్యేకంగా శిక్షణనిచ్చి ప్రోత్సహించనున్నారు.