Road Accident | కాకినాడ జిల్లాలో ఘోర రోడ్డు ప్రమాదంపై మంత్రుల సంతాపం..బాధిత కుటుంబాలను ఆదుకుంటాం

AP Ministers | కాకినాడ జిల్లాలో జరిగిన ఘోర రోడ్డు ప్రమాదంలో మరణించిన కుటుంబాలకు ఏపీ మంత్రులు సంతాపం వ్యక్తం చేశారు.

అమరావతి : ఏపీలో ఘోర రోడ్డు ప్రమాదం ( Road Accident ) జరిగింది. టీ తాగేందుకు వెళ్తున్న వారిని కారు ఢీకొనగా నలుగురు భవానీ భక్తులు(Bhavani Devotees ) మృతి చెందారు. విజయనగరం జిల్లా డెంకాడ నుంచి విజయవాడ (Vijayawada) వస్తున్న ప్రైవైట్‌ బస్సును మరమత్తుల కారణంగా కత్తిపూడిలో రోడ్డుపక్కన నిలిపారు.

వీరిలో కొందరు టీ తాగేందుకు రోడ్డు దాటుతుండగా శ్రీకాకుళం జిల్లా ఎచ్చెర్ల నుంచి భవానీ భక్తులు విజయవాడకు కారులో వస్తు ప్రమాదవశాత్తు ఢీ కొన్నారు. ఈ ప్రమాదంలో చిరిగిడి ఎర్రయ్య, లింగాల సీతారామ్‌,బోనెల సత్తిబాబు, తాటిపూడి శివప్రసాద్‌ అనే నలుగురు భవానీ భక్తులు మృతి చెందారు. కారులో ఉన్న 7గురు భవానీ భక్తులకు స్వల్ప గాయాలయ్యాయి. ప్రమాద స్థలాన్ని కాకినాడ డీఎస్పీ తిలక్‌, పోలీసులు సందర్శించారు.

కాకినాడ జిల్లాలో జరిగిన ఘోర రోడ్డు ప్రమాదంలో మరణించిన కుటుంబాలకు ఏపీ మంత్రులు సంతాపం వ్యక్తం చేశారు. మంత్రులు(Ministers )  వంగలపూడి అనిత, నారా లోకేష్, మంత్రి ఆనం, తదితరులు తీవ్ర దిగ్భ్రాంతిని వ్యక్తం చేశారు. దుర్గమ్మ దర్శనానికి వస్తుండగా రోడ్డు ప్రమాదం జరగడం బాధాకరమని, బాధిత కుటుంబాలను ఆదుకుంటామని మంత్రులు తెలిపారు.క్షతగాత్రులకు మెరుగైన వైద్యం అందించాలని అధికారులను ఆదేశించారు.