సముద్రంలో ప్రపోజల్‌

పంజాబీ సొగసరి మెహరీన్‌కు ఇటీవలే నిశ్చితార్థం జరిగిన విషయం తెలిసిందే. తనది పెద్దలు కుదిర్చిన ప్రేమ వివాహమని, కాబోయే భర్త భవ్య బిష్ణోయ్‌ పరిచయమైన పది నెలల కాలంలోనే అతనితో జీవితకాల అనుబంధం ఏర్పడిందని మెహరీన్‌ చెప్పింది. ఆమె మాట్లాడుతూ ‘లాక్‌డౌన్‌ సమయంలో మా ఇద్దరికి పరిచయం కావడంతో ఎక్కువగా కలుసుకోలేకపోయాం. అయితే ఫోన్‌ ద్వారా మా అభిరుచుల్ని పంచుకునేవాళ్లం. అతని పుట్టినరోజు వేడుకల కోసం అండమాన్‌ దీవులకు వెళ్లాం. అక్కడ స్కూబా డైవింగ్‌ చేస్తున్న సమయంలో భవ్య బిష్ణోయ్‌ నన్ను పెళ్లాడాలనే అభిలాషను వ్యక్తం చేశాడు. తొలుత ఆశ్చర్యంగా అనిపించినా అతని ప్రపోజల్‌కు వెంటనే అంగీకరించాను. నిశ్చితార్థ వేడుకను మేమిద్దరం కలిసి ప్లాన్‌ చేశాం. శీతాకాలంలో పెళ్లికి సన్నాహాలు చేస్తున్నాం. డెస్టినేషన్‌ వెడ్డింగ్‌ చేసుకోవాలనుకుంటున్నాం’ అని చెప్పింది. ప్రస్తుతం ఈ సుందరి తెలుగులో ‘ఎఫ్‌-3’ చిత్రంలో కథానాయికగా నటిస్తోంది.