జాతీయ స్థాయి కథల పోటీల్లో ప్రతిభ కనబరిచిన విద్యార్థిని లాస్య

సారంగపూర్ జిల్లా పరిషత్ ఉన్నత పాఠశాలలో ఆరో తరగతి చదువుతున్న విద్యార్థిని లాస్య జాతీయ స్థాయి కథల పోటీలో ప్రతిభ కనబరిచి బహుమతి సాధించింది.

కంటేశ్వర్ అక్టోబర్ 28 : నిజామాబాద్ రూరల్ మండలం సారంగపూర్ జిల్లా పరిషత్ ఉన్నత పాఠశాలలో ఆరో తరగతి చదువుతున్న విద్యార్థిని లాస్య జాతీయ స్థాయి కథల పోటీలో ప్రతిభ కనబరిచి బహుమతి సాధించింది. ‘బాల చెలిమి’ పత్రిక ఆధ్వర్యంలో బాలల దినోత్సవాన్ని పురస్కరించుకొని నిర్వహించిన ఈ జాతీయ స్థాయి కథల పోటీలకు దేశవ్యాప్తంగా వివిధ ప్రాంతాల నుంచి మొత్తం 252 కథలు వచ్చాయి. ఈ పోటీలో లాస్య రాసిన “తగిన శాస్తి” అనే కథ బహుమతికి ఎంపికైనట్లు పోటీ నిర్వాహకులు డాక్టర్ వేద కుమార్, గరిపల్లి అశోక్ అధికారికంగా తెలిపారు.

పిల్లల్లో సాహిత్య సృజనను, సృజనాత్మకతను ప్రోత్సహిస్తున్న ఉపాధ్యాయులు డాక్టర్ సుంకరి గంగాధర్, ఘనపురం దేవేందర్లను పాఠశాల ప్రధానోపాధ్యాయులు అలాల్ పోశన్నతో పాటు తోటి ఉపాధ్యాయులు అభినందించారు. జాతీయ స్థాయిలో విజయం సాధించి జిల్లాకు మంచి పేరు తీర్చిన విద్యార్థిని లాస్యను పలువురు అభినందనలతో ముంచెత్తారు.