Indigo Airlines | ఇండిగో ఎయిర్‌లైన్స్ ఉద్యోగినిపై క్యాబ్ డ్రైవర్ అత్యాచారయత్నం

Indigo Airlines | శంషాబాద్ రాజీవ్ గాంధీ అంతర్జాతీయ విమానాశ్రయం ప్రాంగణంలో దారుణ ఘటన చోటు చేసుకుంది.

Indigo Airlines | శంషాబాద్ రాజీవ్ గాంధీ అంతర్జాతీయ విమానాశ్రయం ప్రాంగణంలో దారుణ ఘటన చోటు చేసుకుంది. ఇండిగో ఎయిర్‌లైన్స్ ఉద్యోగినిపై క్యాబ్ డ్రైవర్ అత్యాచారయత్నానికి పాల్పడ్డాడు. వివరాల్లోకి వెళ్తే..ఉద్యోగిని రోజూ వెళ్లే క్యాబ్‌లోనే విధులకు హాజరయ్యేందుకు ప్రయాణిస్తున్న సమయంలో వాహనాన్ని ఎయిర్‌పోర్టు ఆవరణలోని ఒక నిర్మానుష్య ప్రాంతానికి మళ్లించి క్యాబ్ డ్రైవర్ ఈ అఘాయిత్యానికి తెగబడ్డాడు.

బాధితురాలు ధైర్యంతో తీవ్రంగా ప్రతిఘటించడంతో పట్టుబడతాననే భయంతో వాహనంతో సహా అక్కడి నుండి నిందితుడు పరారయ్యాడు. బాధితురాలి ఫిర్యాదు మేరకు కేసు నమోదు చేసిన పోలీసులు దర్యాప్తు చేపట్టారు.