8 యూట్యూబ్ ఛాన‌ళ్ల‌ను బ్లాక్ చేసిన కేంద్రం

న్యూఢిల్లీ: కేంద్ర ప్ర‌భుత్వం 8 యూట్యూబ్ ఛాన‌ళ్ల‌కు బ్లాక్ చేసింది. దీంట్లో ఏడు భార‌త్‌కు చెందినవి కాగా, మ‌రో పాకిస్థానీ ఛాన‌ల్ ఉంది. ఈ ఛాన‌ళ్లు నకిలీ, భార‌త్‌కు వ్య‌తిరేక కాంటెంట్‌ను ప్ర‌సారం చేస్తున్న‌ట్లు ఆరోప‌ణ‌లు ఉన్నాయి. దీంతో గ‌త డిసెంబ‌ర్ నుంచి ఇప్ప‌టి వ‌ర‌కు బ్లాక్ చేసిన ఛాన‌ళ్ల సంఖ్య 102కు చేరుకున్న‌ది. ఒక ఫేస్‌బుక్ అకౌంట్‌తో పాటు ఆ ఫ్లాట్‌ఫామ్‌పై రెండు పోస్టుల‌ను కూడా బ్లాక్ చేసిన‌ట్లు కేంద్ర స‌మాచార, ప్ర‌సార‌శాఖ తెలిపింది. 8 యూట్యూబ్ ఛాన‌ళ్ల‌కు మొత్తం 86 ల‌క్ష‌ల మంది స‌బ్‌స్క్రైబ‌ర్లు ఉన్నార‌ర‌ని, సుమారు 114 కోట్ల మంది ఆ వీడియోల‌ను చూశార‌ని, అయితే ఆ ఛాన‌ళ్లు విద్వేషాన్ని రెచ్చ‌గొడుతోంద‌ని, మ‌త వ్య‌తిరేక ప్ర‌చారాలు చేస్తున్న‌ట్లు ఐబీ శాఖ తెలిపింది.