న్యూఢిల్లీ : ఇంటర్నెట్ సెన్సేషన్ ఫుక్రా ఇన్సాన్గా (YouTuber Fukra Insaan) పేరొందిన అభిషేక్ మల్హన్ తన ఆదాయం, నికర సంపద వెల్లడించాడు. తనకు రూ. 25 కోట్ల విలువ చేసే ఇల్లు ఉందని ఓ వార్తా సంస్ధకు ఇచ్చిన ఇంటర్వ్యూలో తెలిపాడు. బిగ్బాస్ ఓటీటీలో తనకు ఎలా అవకాశం వచ్చింది, తన భవిష్యత్ ప్రణాళికలనూ ఈ ఇంటర్వ్యూలో అభిషేక్ వివరించాడు. 1997లో జన్మించిన అభిషేక్ మల్హన్ గ్రేట్ ఖలీ, పునీత్ సూప్స్టార్ వంటి సెలబ్రిటీలతో కలిసి పనిచేయడంతో ప్రాచుర్యంలోకి వచ్చాడు.
మిస్టర్ బీస్ట్, కేఎస్ఐ వంటి క్రియేటర్ల స్ఫూర్తితో మల్హన్ యూట్యూబ్ ప్రస్ధానం ప్రారంభించాడు. యూట్యూబ్లో ఏకంగా 93 లక్షల మంది సబ్స్క్రైబర్లు కలిగిన మల్హన్ ఆదాయ వివరాలు తెలుసుకోవాలని ఎంతోమంది ఆసక్తి చూపుతుంటారు. యూట్యూబ్పై నెలకు ఎంత సంపాదిస్తావని అడగ్గా ఈ విషయం తాను వెల్లడించదలుచుకోలేదని, ఈ వివరాలు చెబితే తన తండ్రి చంపేస్తాడని దాటవేశాడు.
ఇక నికర ఆస్తుల విలువను తాను ఎన్నడూ లెక్కించలేదని, ఓ ఇంటర్వ్యూలో ఆస్తుల విలువను వెల్లడించానని, ఇప్పుడు ఆ మొత్తం మూడు రెట్లు ఉంటుందని చెప్పాడు. తనకు జాగ్వర్ ఎఫ్-పేస్ కారు, రూ. 25 కోట్ల విలువైన ఇల్లు ఉన్నాయని చెప్పుకొచ్చాడు. ఈ ఏడాది ఆరంభంలో మల్హన్ బిగ్బాస్ ఓటీటీ సీజన్ 2లో పాల్గొని రన్నరప్గా నిలిచాడు.
Read More :
Salaar Movie | దుమ్మురేపుతున్న ‘సీజ్ ఫైర్’.. సలార్ పార్ట్ 2కి మైండ్ బ్లోయింగ్ టైటిల్