Viral Video : ఇటీవల పలువురు వ్యక్తులు తమ కార్లలోనే పలు రకాల డిష్లను వండివార్చిన వీడియోలు సోషల్ మీడియాలో తెగ వైరలయ్యాయి. ఇక లేటెస్ట్గా ఓ మహిళ తన వాహనంలో ఫ్రైడ్ చికెన్ను కుక్ చేసిన వీడియో ప్రస్తుతం ఇన్స్టాగ్రాంలో సందడి చేస్తోంది. ఇన్స్టాగ్రాం రీల్లో వ్లాగర్ సోఫీ సల్దానా ముందుగా చికెన్ పీస్లను కట్ చేయడం కనిపిస్తుంది.
వీడియోపై లంచ్ బ్రేక్ బీ లైక్ అని టెక్ట్స్ రాసి ఉంది. ఇక ఈ వీడియోలో మహిళ ఫ్రైడ్ చికెన్ను వండటం చూడొచ్చు. పాట్లో ఆయిల్ పోసి చికెన్ పీస్లను డీప్ ఫ్రై చేయడం కనిపిస్తుంది. ఈ వీడియో ప్రస్తుతం ఇన్స్టాగ్రాంలో చక్కర్లు కొడుతోంది. ఈ రీల్కు ఇప్పటివరకూ ఏకంగా 55 లక్షల పైగా వ్యూస్ లభించాయి. ఈ వీడియోపై నెటిజన్లు పెద్దసంఖ్యలో రియాక్టయ్యారు.
మిమ్మల్ని ఇలా చూసిన తర్వాత మీ కారు ఇన్సూరెన్స్ క్యాన్సిల్ కావచ్చని ఓ యూజర్ కామెంట్ చేయగా, నా కారులో నీకు అనుమతి లేదని మరో యూజర్ కామెంట్ చేశారు. నీ లంచ్ బ్రేక్ నాకంటే అధికమని మరో యూజర్ రాసుకొచ్చారు. కారులో ఇలా కుక్ చేయడం రిస్క్ అని మరొకరు కామెంట్ చేశారు. నాలుగు నెలల పాటు కారులో చికెన్ వాసన పోదని మరొకరు కామెంట్ చేశారు.
Read More :
Accident | పల్లె రవి కుమార్కు తృటిలో తప్పిన ప్రమాదం